بعد العلاقة انتهت بين الحكومة وصندوق النقد الدولي، الصندوق يفرض شروط جديدة علي مصر علشان يسلم مصر باقي شرائح قرض الـ8 مليار دولار.. ياتري اية هيا الشروط دي.. وهل الشروط دي لها علاقة برفع الدعم.
العلاقة بين مصر وصندوق النقد الدولي تكاد تكون وصلت لطريق مسدود، وخلاص الدولة أعلنت وبشكل رسمي علي لسان رئيس مجلس الوزراء الدكتور مصطفى مدبولي انتهاء العلاقة بين الطرفين مع نهاية قرض الـ8 مليار دولار واللي مصر حصلت علي موافقته في مارس 2024 وحصلت منه علي 4 شرائح حتي الآن كان آخرهم الشريحة اللي حصلت فيها المشاكل كلها، لما القيادة السياسية وجهت الحكومة لمناقشة الصندوق لتعديل وتأجيل تنفيذ بعض الشروط بسبب التحديات الاقتصادية اللي بتواجهها الدولة بسبب التغيرات الجيوسياسية الموجودة في المنطقة.
المناقشات اللي قامت بيها الحكومة مع صندوق النقد الدولي خلت الصندوق ياخر صرف الشريحة الرابعة لصندوق النقد الدولي، وكمان الصندوق رفض أنه يسلم مصر الشريحة الخامسة من القرض واللي هتوصل قيمتها لـ 1.2 مليار دولار بسبب تاخر مصر في تنفيذ الشرط الخاص ببرنامج الطروحات الحكومية.
طيب اية هيا الشروط الجديدة اللي صندوق النقد الدولي بيحاول يفرضها علي مصر ؟.
في الساعات الأخيرة الصندوق في تسريبات كتيرة طلعت أن صندوق النقد الدولي بعت لمصر الشروط اللي لازم مصر تنفيذها استعدادا للمراجعين الخامسة والسادسة واللي هيكونوا مع نهاية شهر سبتمبر الحالي أو اكتوبر اللي جاي الي اقصي تقدير علشان يصرفوا لمصر قيمة الشريحين الخامسة والسادسة واللي هيوصل قيمتهم 2.5 مليار دولار.
التسريبات اللي طلعت عن صندوق النقد الدولي قالت إن الشروط المفروضة علي الحكومة هتكون في قطاعين مهمين وهما رفع الدعم عن الكهرباء واسعار المواد البترولية وده في أزمة كبيرة خصوصا أن الدولة في الأسابيع اللي فاتت رفضت زيادة أسعار شرائح الكهرباء وفي توقعات برفض زيادة أسعار المواد البترولية سواء كانت سولار أو بنزين أو أنبوبة بوتاجاز بسبب التوترات والأحداث الإقليمية الأخيرة وفي إطار دور الدولة في دعم القطاعات الاولي بالرعاية ورعاية الطبقات محدودة ومتوسطة الدخل.
في نقطة مهمة كمان الصندوق اشترط أن الحكومة لازم تنتهي منها قبل قيام وفد الصندوق بالمراجعين الخامسة والسادسة علي مصر وهو برنامج الطروحات الحكومية واللي حتي الآن الحكومة لسه منتهتش منه، خصوصا أن الحكومة لسه موصلتش للأرقام المتوقعة من المشروعات والقطاعات المطروحة للشراكة مع القطاع الخاص.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
