السياحة واحدة من القطاعات المهمة جدا في الدولة المصرية واللي بتمثل مصدر مهم من مصادر الدخل القومي المصري.. ياتري اية اللي حققته القطاع ده لحد دلوقتي واية مستهدفات الحكومة منه للفترات اللي جاية.
الحكومة في الفترة الرئاسية الجديدة عندها تحدي من نوع خاص في قطاع السياحة وهو تحقيق رقم قياسي جديد وكسر الرقم اللي حققه القطاع في السنة اللي فاتت واللي وصل لـ14.9 مليون سائح وتحقيق اكثر من 14 مليار دولار كايرادات من القطاع، وفي الوقت الحالي الحكومة بتستهدف تحقيق اكثر من 18 مليون سائح وتحقيق ايرادات اكثر من 18 مليار دولار .
طيب ازاي الحكومة هتحقق الارقام دي من قطاع السياحة؟.
وزارة السياحة والأثار عندها استراتيجية كبيرة شغالة عليها في الوقت الحالي بهدف الوصول لتحقيق 18 مليون سائح وتحقيق 18 مليار دولار كايرادات من القطاع، خصوصا أن متوسط الإنفاق السياحي في العام الحالي بيوصل لـ 97 دولارا لليلة مع توقعات بزياته لـ105 دولار مع نهاية العام المالي الحالي.
" title="هنحقق 17 مليون سائح.. شوف الدولة بتعمل اية علشان تعظم ايرادات السياحة" frameborder="0">
الفترة اللي فاتت متوسط عدد الليالي اللي قضاها السائحين سجل 172.2 مليون ليلة بمتوسط مدة إقامة للزائر 10.5 ليلة، والدولة بتستهدف وصولها لـ240 مليون ليلة خلال 2028-2029 ليصبح متوسط الإقامة للزائر 11 ليلة، وعلشان نوصل لده فالحكومة مركزة جدا علي جهود الجهود على محوري الطلب اللي بتركز على الترويج الفاعل والتسويق النشط للمقاصد السياحية المصرية والعرض السياحي القائم على التوسع كما وكيفا في الخدمات السياحية المقدمة.
الاستراتيجية الوطنية لتنمية السياحة بتستهدف جذب نحو 30 مليون سائح سنويا في 2030، ومتوقع أن الإيرادات السياحية هتتجاوز 24 مليار دولار بنهاية العام المالي 2028-2029.
طيب اية اللي حققته الوزارة خلال العام الحالي؟.
خلال النصف الأول من 2025، الوزارة حققت مؤشرات كويسة جدا من الأسواق السياحية المصدرة، ونجحنا في جذب 8.7 مليون سائح، والدولة بتعتزم تحقيق 17 مليون سائح مقارنة بـ15.7 مليون سائح بنهاية العام الماضي 2024، والارقام دي مرشحة للزيارة باكثر من كده بكتير بشرط استقرار الاوضاع الاقليمية .
في الوقت الحالي مصر بتشهد اقبال سياحي كويس جدا ومعدل الإشغالات الفندقية بيوصل لأكثر من 90% في بعض المدن السياحية، خصوصا مع الاقبال السياحي الكبير علي مصر من دول الاتحاد الأوروبي ودول شرق أوروبا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
