كل المستثمرين عندهم هدف واحد.. إنهم يكونوا موجودين في المنطقة الاقتصادية لقناة السويس. ياترى إيه السر اللي يخلي الكل يتسابق عشان يكون هناك؟.. وإيه اللي بيميزها عن باقي المناطق الموجودة في مصر؟
في الفترة الأخيرة بقى واضح إن المنطقة الاقتصادية لقناة السويس هي الوجهة الأولى لأي مستثمر يدخل مصر.
أي مستثمر بيدور على مكان يبدأ فيه مشروعه.. أول حاجة بيشوفها: إزاي يكون موجود هناك، مش في أي مكان تاني. وده اللي خلّى عدد المصانع يزيد من 62 مصنع لحد ما وصلنا لأكتر من 120 مصنع حالياً، والمستهدف يوصلوا لـ 300 مصنع مع نهاية 2025.
طيب.. إيه اللي بيخلي المنطقة دي بالذات هدف لكل المستثمرين؟
" title="أرض الفرص الجديدة شوف سر زيادة الاستثمارات بالمنطقة الاقتصادية لقناة السويس" frameborder="0">
السبب الأول: الموقع الاستراتيجي.
المنطقة في قلب العالم.. في مفترق طرق بيربط آسيا وأوروبا وأفريقيا.
قناة السويس نفسها بتربط البحر الأحمر بالبحر الأبيض، وكل سفينة عايزة تعدي من الشرق للغرب أو العكس لازم تمر من هنا تقريباً. غير كمان قربها من الموانئ.. وده بيسهّل التصدير بشكل ضخم.
السبب التاني: البنية التحتية.
الدولة اشتغلت على تطوير ضخم هناك: توسعة موانئ، إنشاء أرصفة جديدة، ربط المنطقة بشبكة طرق حديثة، كمان اتربطت بشبكة السكك الحديدية.
بالإضافة لتوفير كل الخدمات الأساسية: كهربا، مياه، وصرف صحي.. وده وفّر بيئة جاهزة وسهلة للاستثمار.
السبب التالت: الحوافز الاستثمارية.
الحكومة قدمت تسهيلات كبيرة جداً:
- نظام تمليك أراضي ممكن يوصل لـ 100% من غير شريك محلي في بعض المشروعات.
- تسهيل استخراج التراخيص برخصة واحدة اسمها "الرخصة الذهبية"، كافية لأي مشروع من غير الحاجة لموافقات تانية.
- وكمان خدمة الشباك الواحد.. يعني كل الإجراءات من مكان واحد، لتقليل الوقت والمجهود على المستثمرين.
وفي نفس الوقت اللي الدولة بتقدّم فيه "لبن العصفور" للمستثمرين علشان يدخلوا السوق المصري، كان في شغل كبير على ملف "التصدير".
الدولة وقّعت اتفاقيات تجارية وتصديرية مع أسواق مختلفة، عشان تضمن وصول المنتجات المصرية للعالم كله بسهولة، وتفتح قدامها أبواب جديدة للمستهلكين المستهدفين.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
