أخيرا مصر وصلت لحل لأزمة نقص الغرف الفندقية والحل ده جاي بالتعاون مع دولة تركيا.. ياتري اية هو الحل ده.. ازاي مصر هتشغل عليه.. ولاية مصر بتستهدف زيادة عدد الغرف الفندقية.
مصر علي موعد مع بداية موسم سياحي شتوي متوقع أنه يكون واحد من اقوي المواسم السياحية اللي مرت علي مصر خلال السنين اللي فاتت دي كلها، وده لسببين الأول منهم أن الموسم الشتوي بتميز بزيادة أعداد السائحين الوافدين لمصر وفي اعداد كبيرة جدا من السائحين بيجوا مصر للهرب من الجو البارد والانخفاض في درجات الحرارة والثلوج اللي بتكون هناك ده غير أنه يكون موسم للإجازات واعياد الميلاد، ومصر بتكون الوجه المفضلة لهم هيا مصر بسبب جوها المعتدل.
في سبب مهم جدا كمان هيخلي الإقبال السياحي علي مصر يتضاعف مرات المرات وهو الافتتاح المرتقب للمتحف المصري الكبير واللي هيكون في الاول من نوفمبر اللي جاي واللي هيكون بحضور الرئيس عبدالفتاح السيسي ده غير حضور عدد كبير من قادة ملوك ورؤساء دول عدد كبير من دول العالم، وهيحضره كمان عدد كبير من رؤساء الحكومات والمشاهير ورجال الأعمال، وهيكون في احتفال أسطوري هيفوق الاحتفالات اللي عملتها مصر في حفلي نقل المومياوات الملكية من المتحف المصري بالتحرير الي المتحف القومي للحضارة المصرية وافتتاح طريق الكباش بالأقصر.
" title="حل مصري تركي هيخلصنا من أزمة نقص الغرف الفندقية قبل افتتاح المتحف المصري الكبير" frameborder="0">
الدولة بتتوقع استقبال 5 مليون سائح سنويا عن الارقام اللي بتحقيقها الدولة حاليا مع الافتتاح المرتقب المتحف المصري الكبير، خصوصا أن في حالة من الشغف العالمي موجودة دلوقتي لرؤية القطع الأثرية وقاعات المتحف المصري الكبير، والكنوز الأثرية اللي هتكون موجودة جوت القاعات خصوصا قاعة الملك توت عنخ آمون واللي هتعرض الموجودة الأثرية الكاملة للملك الذهبي باجمالي أكثر من 3500 قطعة أثرية هتعرض لاول مرة في التاريخ من وقت اكتشافها في الاقصر يوم 4 نوفمبر لسنة 1922 .
طيب اية حكاية أزمة نقص الغرف الفندقية دي وازاي مصر هتحلها ؟.
علي الرغم من عدد الفنادق الكبير اللي موجود في مصر، بس مصر عندها أزمة ونقص حقيق في عدد الغرف الفندقية، ومع الزيادة المتوقعة في إعداد السائحين متوقع أنه مش هيكون في غرف فندقية علشان السائحين تنزل فيها، وعلشان كده الدولة طرحت أزمة من حل لمواجهة الأزمة المتوقعة منها مبادرة الاستثمار الفندقي واللي كانت بتقدم تسهيلات كبيرة جدا للمستثمرين لبناء الفنادق في مصر، ودي غير خطة السماح بتحويل الشقق السكنيه الي شقق فندقية بدون رسوم .
من كام ساعة كان في لقاء مهم جدا كمان بين وزير السياحة والآثار شريف فتحي مع وفد واحدة من كبري المؤسسات التركية المتخصصة في الاستثمار الفندقي، والوزير ناقش معاهم خطوات بناء والتوسع في بناء الشقق الفندقية في مصر، وعرض عليهم الفرص المتاح للاستثمار الفندقي في مصر والتسهيلات اللي بتقدمها مصر لدخول المستثمرين.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
