تحركات عاجلة في بنوك مصر بعد قرار البنك المركزي بخفض أسعار الفايدة.. لجان الاليكو هتتحرك ومجالس الإدارة بتدري هتعمل ايه.. فيا ترى ايه اللى هيحصل ؟ وليه الاسيوع الجاي هيكون اسبوع ساخن في بنوك مصر ؟
البنك المركزي المصري أخد قرار مهم جداً.. قرار بخفض أسعار الفائدة 2% على الإيداع والإقراض.. واللي خلى سعر الإيداع 22% والإقراض 23%.. يمكن الأرقام دي تبدو معقدة.. لكن تأثيرها بسيط ومباشر على كل جنيه في جيبك.
طيب.. إيه معنى القرار ده؟
البنك المركزي بيحاول يوصل رسالة واضحة للسوق.. وهي إن التضخم ابتدى يسيطر عليه.. وإننا ماشيين في الطريق الصح.. وده بيشجع المستثمرين على إعادة النظر في استثماراتهم.. وبيحفز النمو الاقتصادي بشكل عام.
بعد القرار ده.. كان لازم البنوك تتحرك بسرعة.. عشان كده.. بنوك كبيرة زي البنك الأهلي المصري وبنك مصر.. أعلنوا إنهم هيعقدوا اجتماعات طارئة للجان اسمها "الألكو".. عشان يحددوا مصير أسعار الفائدة على المنتجات البنكية المختلفة.. زي شهادات الادخار.. وحسابات التوفير.. والقروض
القرار ده ممكن يخلي البنوك تقلل العائد على الشهادات الجديدة اللي هتنزل.. لإن تكلفة الإقراض عندهم هتقل.. وبالتالي مفيش داعي إنهم يدفعوا فوائد عالية للمودعين.
لكن هنا في نقطة مهمة جداً.. إن شهادات الـ27% اللي موجودة حالياً.. مش هتتأثر بالقرار ده.. لإنها شهادات ذات عائد ثابت.. والقرار ده بينطبق على الشهادات اللي هتنزل في المستقبل.
طب إيه هي لجنة الألكو؟
اللجنة دي موجودة في كل البنوك.. وبتتكون من مجموعة من كبار المسؤولين في البنك.. زي رئيس البنك.. ورؤساء القطاعات المالية والاستثمارية
وظيفة اللجنة دي هي التوازن بين أصول البنك وخصومه.. يعني بتراجع كل قرارات البنك المالية.. زي أسعار الفائدة على القروض والودائع.. وبتبص على السيولة اللي موجودة في البنك.. عشان تتأكد إن البنك قادر يواجه أي تحديات مالية أو اقتصادية.
اللجنة دي بتجتمع بشكل دوري.. وبتدرس كل المتغيرات الاقتصادية.. زي قرار البنك المركزي الأخير.. وبتشوف إزاي ممكن تأثر على البنك.. وبالتالي بتاخد القرارات المناسبة للحفاظ على مصالح البنك ومصالح المودعين.
قرار البنك المركزي بخفض الفائدة هو خطوة استباقية لتحفيز الاقتصاد.. والقرار ده هيكون ليه تأثير مباشر على البنوك.. لكن مش هيأثر على شهاداتك القديمة.. أما شهادات الادخار الجديدة.. فهنستنى قرارات لجان الألكو في البنوك عشان نشوف.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
