من بداية السنة وزارة المالية والجهاز القومي لتنظيم الاتصالات فرضوا رسوم جمركية 37.5% على الموبايلات المستوردة.
النتيجة؟ ناس كتير بتتفاجئ بعد ما يشتروا تليفون جديد ويفرحوا بالسعر ولا الخصم اللى عليه.. إنه مطلوب منهم دفع رسوم وإلا الموبايل مش هيشتغل.
طيب تعمل إيه عشان متقعش في الفخ؟
أول حاجة: لازم تاخد فاتورة ضريبية معتمدة عليها الرقم التعريفي IMEI، الرقم ده سلاحك لو حصل تلاعب من التاجر.
تاني حاجة: قبل ما تدفع فلوسك.. نزّل تطبيق "تليفوني"، واكتب الرقم التعريفي IMEI وتأكد بنفسك إن الموبايل مش عليه رسوم جمركية مستحقة.
تالت حاجة: اعرف بلد التصنيع، والموبايلات المصنعة في مصر مش بتخضع للرسوم دي.
باختصار.. 3 خطوات بسيطة هتحمي جيبك من المفاجآت وتخلي تجربة شراء الموبايل أسهل وأرخص.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
