الاقتصاد المصري حاليا في أفضل مراحله ومحقق مكاسب كبيرة جدا.. ياتري اية سر المكاسب الكبيرة اللي حققها الجنيه المصري.. وأمتي الجنية هيكون ند للدولار الأمريكي.
خلال الشهور اللي فاتت شوفنا سعر صرف الجنية المصري بدأ يكون احسن بكتير من الفترات اللي فاتت وحاليا سعر صرف الجنية المصري بيتحسن وسعر صرف الدولار بينخفض وده بيدل على نجاح البرنامج الاقتصادي المصري.
التحسن اللي حصل في سعر صرف الجنية المصري له اكثر من سبيه ارتفاع الاحتياطي الأجنبي لمستويات قياسية ودخوله على الـ50 مليار دولار.. وزيادة تدفقات السياحة واللي هي كمان بتحقق ارقام غير مسبوقة والتحويلات المالية ده غير التوصيات الإيجابية المتوقعة من صندوق النقد الدولي عن الاقتصاد المصري في المستقبل، واللي أكد أن النمو الاقتصادي هيوصل ل 4.6% خلال العام المالي.
طيب ايه اللي بتعمله الحكومة علشان تضمن تحسن سعر صرف الجنيه المصري قدام الدولار ؟.
في عدد كبير من الخطوات الحكومة بتقوم بيها حاليا لتحقيق استقرار وتحسن سعر صرف الجنية المصري أهمهم زيادة الثقة عند المستثمرين في الاقتصاد المصري وزيادة التدفقات الخارجية للعملات الاجنبيه بالبنوك وزيادة إيرادات القطاعات اللي بتدخل عملات أجنبية زي السياحة وقناة السويس وتحويلات المصريين العاملين بالخارج وقطاع الصناعة، ده غير جهود تشديد الرقابة على السوق السوداء وتوجيه التدفقات للقنوات الرسمية في البنوك.
خطوة كمان من الخطوات اللي بتقوم بيها الحكومة حاليا لتحسن سعر صرف الجنية المصري هيا السياسة النقدية الحكيمة اللي بيطبقها البنك المركزي حاليا واللي بتستهدف التقليص التدريجي لأسعار الفائدة بعد خفض معدلات التضخم واستمرار سعر صرف مرن وفقا لشروط صندوق النقد الدولي .
خطة مهمة كمان من الخطوات اللي بتقوم بيها الحكومة لاستمرار تحسين سعر الصرف في مصر هيا تنفيذ الإصلاحات المطلوبة ظي تصفية الشركات المملوكة للدولة ورفع الدعم بشكل تدريجي مع حماية الفئات الاولي بالرعاية واستمرار التعاون مع الجهات الدولية للحصول على الدعم وإعادة الثقة في الاقتصاد، ده غير جهود إدارة الدين الخارجي وتمويل السلع الأساسية والالتزام في سداد الدين الخارجي في مواعيده والتوسع صفقات الاستثمار السياحي زي اللي حصل في مدينة رأس الحكمة، واخيرا تقليل استنزاف الدولار والعملات الأجنبية في عمليات الاستيراد.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
