أسعار الذهب واحدة من الحاجات اللي بتشغل بال ناس كتير جدا في الشارع المصري.. ياتري اية مصير اسعار الذهب في مصر خلال الشهور اللي جاية.. وهل هتكون في ارتفاع كبيرة قبل اجتماع لجنة السياسات النقدية مع نهاية أغسطس.
اسعار الذهب واحدة من الحاجات اللي طول الوقت متصدرة منصات البحث سواء كانت علي وسائل التواصل الاجتماعي او حتي في حياتنا اليومية، وكل الناس عندها شغف أنها تعرف الاسعار رايحة علي فين، هل هتكون اتجاه للارتفاع من جديد، ولا ممكن نشوف انخفاض غير مسبوق لاسعار المعدن الأصفر، ولا الاسعار هتفضل مستقرة، ولو مستقرة الاستقرار ده هيكون لفترة معينة واية الاسباب اللي بتؤدي لارتفاع وانخفاض الاسعار في مصر.
الاسئلة دي كلها وغيرها من الاسئلة الكتيرة اللي شاغلة بال كل واحد في الشعب المصري سواء كان من المهتمين بالاستثمار والأوعية الإدخارية جاوبت عليها شعبة الذهب واللي قالت ان اسعار الذهب مستقرة حاليا في مصر بفضل الاستقرار النسبي في التوترات الجيوسياسية العالمية خصوصا ان اسعار الذهب في مصر متعلقة بالتسعير العالمي، واللي لو ارتفعت الاسعار بترتفع معاها في مصر ولو حصل أنخفاض برضوا بتسمع عندنا في مصر، ده غير كمان ان محلات الصاغة في مصر بتشهد حاليا شديدة جدا من ضعف الاقبال علي الشراءن ده غير ان اسعار الصرف في مصر مستقرة من فترات بعيدة، ده أن سعر صرف الجنيه المصري شهد مراحل كويسة من التحسن.
طيب اسعار الذهب رايحة علي فين الفترة اللي جاية وهل هيكون في زيادة قبل اجتماعات لجنة السياسات النقدية الجديد؟.
مع كل اجتماع للجنة السياسات النقدية بالبنك المركزي خصوصا في ظل التوقعات اللي بتاكد بدور قرارات جديدة لخفض اسعار الفايدة في مصر بتشهد اسعار الذهب زيادات نسبة ولكن بتكون مش بالأرقام اللي حصلت في الأسعار مع بداية 2025، وشعبة الذهب قالت أن الاسعار في مصر مرشحة أكثر للانخفاض أكثر من الزيادة خصوصا أن سوق الذهب في مصر بيعاني من انخفاض نسبي في الشراء، وبالتالي محلات الصاغة بتطرح تخفيضات نسبية لتحسين حركة البيع والشراء.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
