يا ترى تصريحات الرئيس الامريكي دونالد ترامب عملت إيه في أسعار الدهب، وهل فعلا رفع الجمارك الأمريكية ممكن يخلي المعدن الأصفر يطير، والأسعار رايحة على فين؟
في البورصة العالمية، الدهب طلع الأسبوع اللي فات بنسبة جوالي 1.9%، وده رقم مش قليل، عشان الناس بدأت تدور على ملاذ آمن وسط التوترات التجارية اللي مولعاها تصريحات ترامب.
وكان ترامب، قال إنه ناوي يفرض رسوم جمركية ممكن توصل ل 70% بداية من شهر أغسطس الجاي، وطبعا أول ما السوق العالمي سمع الكلام ده، المستثمرين جريوا على الدهب كالعادة، لأنه معروف إنه بيحمي من المخاطر وعدم الاستقرار وكمان مخزن لقيمة الفلوس.
بس هنا بقى المفاجأ، عندما في مصر الدهب نزل رغم ارتفاع السعر العالمي، وسعر الجرام عيار 21 نزل 10 جنيه وسجل حوالى 4630 جنيه، يعني ببساطة، اللي اشترى امبارح خسر شوية انهارده.
سعيد إمبابي، خبير في أسواق الذهب، قال إن فيه تصحيح طبيعي للأسعار بعد القفزة اللي حصلت، وسعر عيار 24 سجل 5295 جنيه، وعيار 18 حوالي 3971 جنيه، وعيار 14 ب 3087 جنيه، أما الجنيه الدهب فسجل 37064 جنيه.
والكلام ده معناه، إن السوق المصري مش دايما بيواكب اللي بيحصل عالميا، وده بسبب عوامل زي العرض والطلب والمضاربة، وسعر الدولار في السوق المحلي.
طب عالميا بقى، إيه اللي بيحصل؟
بص يا سيدي، دلوقتي سعر أوقية الدهب عدى حاجز ال 3330 دولار، وده بسبب ترامب اللي قال إنه هيبدأ يرسل إشعارات للدول المعنية علشان يبدأ تنفيذ الجمارك الجديدة يوم 9 يوليو، يعني كمان 3 أيام.
وقال كمان إن الرسوم دي هتتراوح بين 10% و70%، وفزق كل ده، وزير الخزانة الأمريكي قال إن فيه نية لفرض رسوم متبادلة على أكتر من 100 دولة بنسبة مش هتقل عن 10%، يعني العالم داخل على موجة جديدة من الحرب التجارية، والدهب هو أول مستفيد.
بس استنى، مش كله دعم للدهب، مثلا في حاجة اسمها "عوائد السندات الأمريكية"، ودي ارتفعت هي كمان، وده بيضغط على سعر الدهب بالعكس، ووالعوائد الحقيقية كمان زادت،يعني دلوقتي في صراع دايم بين الخوف اللي بيرفع الدهب والعوايد اللي بتكبحه.
والخلاصة هي إن الده بيستفيد من التوترات ومن ضعف الدولار ومن احتمالات خفض الفايدو، بس في نفس الوقت، عوائد السندات بتقفله بالمرصاد، وعندنا قي مصر، السوق له منطقه الخاص، فدايمل راقب الأسعار كويس قبل ما تشتري أو تبيع.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
