هل ممكن مصر تتحول فعلاً لمركز عالمي للطاقة النووية مش بس إقليمي؟، وهل محطة الضبعة هتفتح الباب لاستثمارات أجنبية ضخمة في مصر؟.. ويا ترى إزاي المواطن العادي هيحس بفوايد المشروع النووي في حياته اليومية؟
لما نقول إن مصر بقت مركز إقليمي لدعم الأمن النووي في الشرق الأوسط وإفريقيا، ده مش كلام بيتقال وخلاص، دي حقيقة بتأكد إن مصر ماشية بخطوات ثابتة في ملف حساس جداً زي الطاقة النووية السلمية.
الطاقة النووية مش معناها قنابل ولا أسلحة، بالعكس، ده حق أصيل لكل دولة بموجب معاهدة عدم الانتشار النووي، ومصر قررت تستغل الحق ده لصالح التنمية، يعني إيه؟.. يعني تبني مستقبلها على تكنولوجيا حديثة، وتفتح لنفسها أبواب جديدة في مجالات الطاقة والعلاج والزراعة والصناعة.
كون مصر تبقى مركز للتدريب والتوعية في الأمن النووي على مستوى المنطقة، ده معناه إن عندها خبرات وكوادر مؤهلة، ومعامل بحثية قوية بتخليها نقطة ارتكاز مش بس لنفسها، لكن كمان لجيرانها في الشرق الأوسط وإفريقيا.
" title="مصر مركز إقليمي لدعم الأمن النووي في الشرق الأوسط وإفريقيا ملايين الدولارات في الطريق" frameborder="0">
الفوايد الاقتصادية هنا ضخمة جدًا، أولًا: محطة الضبعة النووية اللي اتبنت، دي هتوفر طاقة كهربائية نظيفة ومستقرة لعشرات السنين، وده بيساعد على تقليل الاعتماد على الغاز والبترول، ويوفر مليارات من العملة الصعبة اللي كنا بندفعها في استيراد الوقود.
تاني حاجة، فيه مشروعات مرتبطة بالطاقة النووية زي استخدام الإشعاع في الزراعة لإنتاج محاصيل أكثر قدرة على مواجهة التغيرات المناخية، وده مهم جدًا في وقت العالم كله بيعاني من ندرة المياه وارتفاع الحرارة.
تالت حاجة في قطاع الصحة، مصر قدرت تدخل تقنيات زي "المعجل الخطي الطبي" اللي بيساعد في علاج دقيق لمرضى السرطان، تخيل إن التكنولوجيا دي بدل ما نستوردها أو ندفع ملايين للعلاج بره، تبقى موجودة عندنا وبتتطور على إيد علمائنا!
مش بس وكده، رابع حاجة، الاستثمار في المشروع النووي نفسه بيوفر آلاف فرص العمل للمهندسين والفنيين والعمال، وكمان بيزود خبراتهم لأنهم بيتعاملوا مع أحدث تكنولوجيا في العالم.
الملف النووي مش بس كهرباء، ده أمن قومي، ووجود مصر كدولة عندها برنامج نووي سلمي قوي بيزود من مكانتها الدولية، ويخليها طرف مهم في أي مفاوضات أو اتفاقيات تخص الطاقة في المنطقة.
الأهم إن مصر بتشتغل بالشفافية الكاملة وملتزمة بمعايير الأمان الدولية، وده بيخلي العالم يعترف إن برنامجها النووي آمن وسلمي.
يعني ببساطة، مصر مش بس بتبني محطة كهرباء، مصر بتبني مستقبل جديد قائم على العلم والتكنولوجيا، وبتثبت إنها مش مجرد دولة مستهلكة للطاقة، لكنها كمان دولة منتجة ومؤثرة على مستوى الشرق الأوسط وإفريقيا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
