تخيلوا إن في سيدة قدرت تكسر حاجز الـ100 مليار دولار وتبقى أول واحدة في التاريخ توصل للرقم ده.
إحنا بنتكلم عن أليس والتون، الابنة الوحيدة لمؤسس وولمارت سام والتون.
أليس النهارده ثروتها وصلت لـ106 مليار دولار، بعد ما زادت في سنة واحدة بس حوالي 17 مليار، وده بفضل الارتفاع الكبير في أسهم وولمارت.
النهاردة عندها 75 سنة، وبقت أغنى سيدة في أمريكا بفارق ضخم عن أقرب منافسة ليها، جوليا كوك، اللي ثروتها حوالي 81 مليار.
يعني أليس متفوقة عليها بـ24.8 مليار دولار، والسنة اللي فاتت كان الفارق بينهم 15 مليار بس.
الطريف إن جوليا كوك مسكت لقب أغنى سيدة في أمريكا سنة 2022 لفترة صغيرة، لكن أليس رجعت تاني واستعادته بسرعة.
أما على مستوى قائمة فوربس 400، أليس بتيجي في المركز الـ15 بين أغنى أغنياء أمريكا، ورا شقيقيها روب والتون اللي عنده 118 مليار، وجيم والتون 115 مليار.
اللي يربط بينهم إن العيلة كلها ماسكة مع بعض حوالي 45% من أسهم وولمارت.
أليس والتون مش بس أغنى سيدة في أمريكا.. دي بقت رمز لنفوذ اقتصادي استثنائي في العالم كله.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
