حرص الفنان تامر حسني كعادته على توجه نصيحة الجمهور وذلك من خلال حسابه الرسمي بموقع تبادل الصور والفيديوهات انستجرام، مشاركته مقطع من فيلم كرتون عن أشياء نراها مستحيلة ولكن عندما نشعر بالأمان والدعم نستطيع فعلها.
تامر حسني يوجه نصيحة الجمهور
وعلق تامر حسني على الفيديو الذي رصده موقع تحيا مصر: قد إيه ده ڤيديو عظيم. كلنا لما بنفكر ناخد خطوة للأمام أو خطوة جديدة للنجاح مش بنبقى عارفين هننجح ولا لأ، بس بنحسبها صح ونحضرلها صح مع الناس الصح في التوقيت الصح هيبقى فاضل أهم حاجة وهي إيمانك بالخطوة وحبك وشغفك الخارق ليها طبعاً المشي على الهوا هنا معناه مش المشي على الهوا نفسه عشان ده طبعاً مش صح حتى لو ماسكك حد بس المقصود بيه إن في عندك أحلام من وجهة نظرك مستحيلة وهي هتتحقق عادي لو وثقت في نفسك وبدأت.
وتابع تامر حسني حديثه: والأهم إن في ناس كتير تفكيرها في الماضي بيعطلها، على طول بتبص وراها وآديكوا شوفتوا لما الولد بص وراه وقع الماضي عدى خلاص الماضي مش بتاعنا محدش يقدر يمشي لقدام وهو باصص وراه، لازم يقع أو يخبط في حاجة تعطلّه.
تامر حسني: ركز في حاضرك وخد حالا أحلى قرار ينجحك
واستكمل تامر حسني حديثه: ركز في الحاضر عشان ده بس اللي ملكك، وهو ده الوقت اللي لو حبيته هيحبك ويقّف معاك ويساعدك تجري بأسرع ما يمكن..حب حاضرك رغم أي مشاكل فيه واتحدى صعوباته هو ده صراعك الحقيقي يلا خد حالاً أحلى قرار ينجحك محدش هينفعك غير مجهودك وسعيك ومتبصش وراك أرجوك.. نهاركم كله خير.
يذكر أنه سبق وتحدث تامر حسني عن دعم المواهب الشابة، قائلا: أنا تعبت جدا في بدايتي ولو أقدر اساعد حد هساعده.. بحاول بقدر الإمكان اني أدعم المواهب الشابة مش لازم حد يتمرمط ويشوف البهدلة اللي أنا شوفتها.. واتعلمت ده من والدتي لأنها كانت تجبر بخاطر الكل.
تامر حسني ودعم المواهب الشابة
وأضاف: نفسي أقول لكل الناس أن للأسف في حاجات كتير بتحصل بسبب التعليقات السلبية، ممكن تموت بني آدم بكلمة وحشة، وأنا كفنان ياما سمعت ولكني اتمرنت أتعامل، ولكن البني آدم الطبيعي فعلًا بيتأثر، بطلب من الناس يتمرنوا إزاي يتعلموا يحولوا الطاقة السلبية لـ طاقة إيجابية.
