مصر هتتحول لمركز إقليمي لصناعة الذهب.. وهنكون دولة من أكبر الدول المصدرة للمشغولات الذهبية.. ياتري ده هيتحق ازاي .. وآية خطة مصر لزيادة صادراتها من الذهب .. ومستهدفين نحقق كام.
مصر واحدة من الدول اللي ربنا ميزتها بثروات طبيعية كتيرة جدا واحدة من الثروات دي هيا الموارد الطبيعية واللي موجودة ومنتشرة في كل محافظات الدولة المصرية، واحدة من أهم الثروات دي هيا الذهب واللي موجود في مناطق كتيرة ومختلفة في مصر خصوصا في الصحراء الشرقية لمصر والنوبة واللي بتعد من أبرز مناطق التنقيب والتعدين الذهبي في البلاد.
لازم نكون عارفين ان التنقيب عن الذهب مش هو نتيجة شغل الحكومة حاليا، لا ده له تاريخ طويل خصوصا في منطقة النوبة اللي الأنشطة التعدينية موجودة فيها من الآلاف السنين، لكن مع تطوير العلم وزيادة رغبة الحكومات في تعظيم موارد الدولة، فالحكومة توسعت في الأنشطة التعدينية خصوصا مشروعات التنقيب عن الذهب في كل المناطق خصوصا مناطق جبل السكري وأبو مروات والحماش وغيرها من المناطق المختلفة اللي وضعتها الجغرافي بياكد أنها ممكن تحتوي علي طبقات من الذهب .
طيب إزاي مصر هتزود إنتاجها من الذهب وآية هيا الخطوات اللي بتقوم بيها الحكومة علشان توصل للهدف ده؟.
في 2020، مصر اطلقت حملة استكشافية كبيرة للتنقيب والبحث عن الذهب في الصحراء الشرقية، وهيئة الثروة المعدنية أعلنت عن طرح 82 منطقة استكشاف في مناقصة ضخمة، شاركت فيها كبرى الشركات العالمية والمصرية، والخطوة دي كان الهدف منها هو وضع مصر على خريطة الاستثمار الجيولوجي العالمي، وتعزيز الإنتاج وتصدير الذهب.
خطة الحكومة لتحويل مصر لمركز إقليمي لصناعة الذهب متوقفتش علي التنقيب وبس، لا ده كمان توسع وأعلن عن دخول شراكات من القطاع الخاص والحكومة استهدفت تبسيط إجراءات منح التراخيص، وإطلاق مشروعات متكاملة للإنتاج، وكمان استهداف تحسين البنية التحتية من طرق، وتوفير الطاقة والمياه علشان يستوعب المناجم والإنتاج، ده غير إطلاق تشجيع التكرير المحلي، وكل دي خطوات هدفها زيادة الإنتاج المحلي من الذهب الخام، والتوسع في إنتاج المشغولات الذهبية المختلفة، وتحوصل مصر لمنصة إقليمية متكاملة في صناعة الذهب.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
