خلاص مش هيكون في صندوق نقد دولي تاني.. وقرار مصر هيكون من دماغها..ياتري اية مصير الجنية المصري بعد انتهاء علاقة مصر بصندوق النقد الدولي.. ومين دي البدائل المطروحة قدام مصر لو حبت تاخذ قروض جديدة.
خلاص شهور العسل اللي كانت بين مصر وصندوق النقد الدولي انتهت ومفيش اي نية للرجوع واللي جاي هيكون القرار من مصر .. مش من حد تاني.. ولا في اي دوله في العالم هتقدر تفرض عليها راي بسبب الديون ولا حاجاتنا للعملة الأجنبية .. خصوصا أن كل الدول اللي بيتقال عليها دول نامية الدول الغربية بتفرض عليها القرار بسبب الديون اللي عليها وحاجتهم للعملة علشان تحل الأزمة الداخلية اللي عندهم.
مصر وبشكل رسمي وعلي لسان رئيس الوزراء الدكتور مصطفى مدبولي أعلنت انتهاء العلاقة بين مصر وصندوق النقد مع نهاية قرض ال 8 مليار دولار واللي مصر حصلت الي موافقته مارس 2024.. والسبب الرئيسي في انتهاء العلاقة دي هيا الشروط الصعبة للصندوق لصرف شرائح القرض .
طيب إزاي مصر هتعوض الفلوس اللي كانت بتاخذها من صندوق النقد الدولي؟.
في عدد كبير من المصادر هيكون كنوز لمصر من الدخل الدولاري.. اول الكنوز دي هيا الصادرات واللي مصر بتستهدف منها الوصول لتحقيق 140 مليار دولار في 2030 وعلشان نوصل وتحقيق الرقم ده الحكومة عملت خطوات كبيرة جدا لجذب الاستثمارات الأجنبية للسوق المصري.. ده غير التحفيزات والتسهيلات الكبيرة اللي قدمتها الحكومة لدخول الشركات .. واللي تضمنت تسهيلات في الحصول علي الأراضي اللازمة لإقامة المشروعات ودي كانت عقبة شديدة كانت بتواجه الشركات.. واللي كانت بتحتاج ايام وشهور علشان المستثمر يأخذ موافقة لإقامة مشروع صناعي أو استثماري .. ده غير التسهيلات اللي قدمتها الحكومة للحصول علي التراخيص.. واللي بقت عبارة عن رخصة واحدة اسمها الرخصة الذهبية واللي بقت كافية لإقامة وتشغيل المشروعات.
في باب مهم كمان الدولة هتعتمد كمصدر مهم للدخل الدولاري لمصر من الخارج.
وهو تحويلات المصريين العاملين بالخارج.. اللي أرقامها كسرت كل التوقعات وكانت الداعم الأول للاقتصاد المصري فى أزمة .. واللي لما الدولة اخذت أهم قرار اقتصادي في تاريخها بتحرير سعر صرف الجنية المصري بشكل مرن .. بعدها تحويلات المصريين العاملين بالخارج كسرت كل الأرقام القياسية وسجلت 32.8 مليار دولار في الفترة من يوليو لحد مايو من السنة المالية 2024/2025.
قرار تحرير سعر صرف الجنية المصري بشكل مرن عمل طفرة كبيرة في تحويلات المصريين العاملين بالخارج.. وفي الفترة من يوليو إلى مايو من العام المالي 2024/2025 ارتفعت بمعدل وصل 69.6% وسجلت أكثر من 32.8 مليار دولار مقابل نحو 19.4 مليار دولار خلال نفس الفترة من السنة اللي فاتت.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
