يا ترى ليه كل التوقعات دلوقتي بتقول إن الدهب هيوصل لأرقام قياسية؟ وإيه علاقة كل ده بالفيدرالي الأمريكي؟ هل الدهب ممكن يوصل لـ5 آلاف دولار للأونصة.. وإيه اللي هيخليه يعمل كده؟
بنك "جولدمان ساكس" توقع إن الدهب ممكن يوصل لأرقام محدش كان يتخيلها.. و بيقول إن فيه سيناريوهات محتملة لارتفاع سعر الدهب.. أول سيناريو.. هو إن سعر أونصة الدهب يوصل لـ4 آلاف دولار في نص السنة اللي جاية.. وده السيناريو الأساسي المتوقع.. السيناريو التاني.. بيشير إلى إن الدهب ممكن يوصل لـ4500 دولار.. وده في حالة استمرار نفس الظروف الاقتصادية الحالية.
طب إيه السيناريو اللي ممكن يخلي الدهب يوصل لـ5 آلاف دولار؟
السيناريو الأسوأ.. واللي ممكن يخلي سعر الدهب يطير بالشكل ده.. هو إن مصداقية البنك المركزي الأمريكي تتهز.. لو المستثمرين فقدوا الثقة في البنك.. ممكن ده يؤدي لارتفاع كبير في التضخم.. وتراجع في أسعار الأسهم والسندات.. ووقتها.. المستثمرين هيهربوا بفلوسهم من السندات.. وهيروحوا على الدهب.
الدهب.. من أول السنة دي.. ارتفع أكتر من 30%.. وده خلاه من أفضل السلع اللي حققت مكاسب.. وخلال الأسبوع ده بس.. الدهب سجل مستويات قياسية جديدة.. وده بسبب موجة بيع كبيرة في سوق السندات العالمية.
وخد بالك الدهب دلوقتي مش مجرد سلعة بنشتريها علشان نحافظ على قيمتها.. لأ.. ده بقى وسيلة علشان نحمي فلوسنا من أي أزمات اقتصادية عالمية.. ووجود كل التوقعات دي.. بيأكد إن الدهب هيفضل هو الملاذ الآمن للمستثمرين في الفترة اللي جاية.. وده بسبب التوترات السياسية.. والضغوط التضخمية.
التوقعات دي.. بتدينا إشارة واضحة جداً.. إن الدهب لسه فيه فرصة كبيرة للنمو.. وإنه ممكن يحقق مكاسب ضخمة جداً في الفترة اللي جاية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
