السياحة واحدة من الأبواب المهمة جدا للإيرادات الدولارية من الخارج والحكومة بتعول عليها في زيادة الموارد الأجنبية في الاقتصاد المصري.. ياتري الدولة بتتحرك ازاي في ملف السياحة. ازاي القطاع هيحقق 30 مليار دولار كايرادات.
في تجارب كتيرة لدول حوالين العالم كانت الانطلاق الاقتصادية عندهم من قطاع السياحة خصوصا أنه قطاع متجدد وقابل الاستثمار والتوسع، ومش محتاج مجهود كبير علشان توصل للإيرادات المستهدفة خصوصا لو الدولة اللي بتروج للمنتج السياحي بتاعتها عندها مقومات ثقافية أو سياحية شاطئية أو اي نوع من انواع السياحة اللي موجود حاليا علي الساحة.
مع بداية الفترة الجديدة للرئيس عبدالفتاح السيسي، مصر بدأت مرحلة استنساخ التجارب السابقة للنهوض بالاقتصاد الوطني وبقي عندها استراتيجية للسياحة المصرية واهم بند فيها هو التحرك بكل قوة لتحقيق 30 مليون سائح وتحقيق 30 مليار دولار كايرادات من القطاع في 2030، وفعلا الحكومة بدأت تتحرك علشان توصل للرقم ده خصوصا أن مصر دولة عندها كل المقومات اللي بتاهلها أنه توصل وتكسر الرقم المستهدف.
طيب اية اللي بتعلمه الدولة علشان تحقيق حلم ال 30 مليون سائح ؟
علشان الحكومة تنفذ خطتها للوصول لتحقيق حلم ال 30 مليون سائح، كان لازم نعالج التحديات اللي موجودة واول أهم تحدي موجود عندنا هو نقص الغرف الفندقية، وفي 2024، الدولة نجحت في إضافة أكثر من 7200 غرفة فندقية جديدة منهم نسبة 55% مبناني حديثة، وبنستهدف إضافة 19 الف غرفة أخرى مع نهاية 2026، ده غير عمليات التطوير اللي بتقوم بيها الدوله بالتعاون مع القطاع الخاص لتطوير الفنادق العائمة على النيل بهدف إضافة 25 الف غرفة في 2030 خصوصا في أسوان والأقصر.
في نقطة مهمة جدا في خطة الدولة لإضافة عدد كبير من الغرب الفندقية لاستيعاب الزيادات المتوقعة في إعداد السائحين وهيا جذب الاستثمارات لقطاع السياحة، وهنا الحكومة أعلنت عن إنشاء وحدة خاصة هدفها إدارة الاستثمارات السياحية وعملت حاجة اسمها بنك فرص الاستثمار والبنك ده هدفه عرض مشاريع جاهزة للمستثمرين، وكان بتيح تمويل بقيمة 50 مليار جنيه مصري للمستثمرين بهدف التوسع في إنشاء الغرف الفندقية، ده غير التسهيلات التشريعية اللي قامت بيها الحكومة علي مدار السنين اللي فاتت زي قانون الاستثمار واللي كلها هدفها تحفيز دخول الاستثمارات الاجنبيه للسوق المصري .
الحكومة كمان طرحت تسهيلات كبيرة للسائحين للحصول علي التأشيرات السياحية، حاليا في 78 جنسية تقدر تاخذ التأشيرة اللازمة للدخول بشكل إلكتروني مع وصولهم للمطارات المصرية وكمان الحكومة عملت منصة الكترونية جديدة هدفها تقديم التأشيرات اللازمة للمسافرين بشكل إلكتروني بدون اي تعقيدات، ده غير المواقع الإلكترونية اللي بقت موجودة واللي مهمتها خاطئا تسهيل دخول السائحين للمناطق السياحية والأثرية المختلفة وبتقدم خدمات رقمية للأفواج السياحية زي الكازينوهات واليخوت واللي قللت وقت الحصول علي التصاريح ل 30 دقيقة بس .
كل التحركات دي انعكست علي اعداد السائحين الوافدين لمصر وخلال 2024 مصر قدمت تكسر الرقم القياسي المسجل في اعداد السائحين في 2010 وسجلنا ما يقرب من 16 مليون سائح بإيرادات تعدت 15 مليار دولار، وفي 2025 الدولة بتستهدقة الوصول لتحقيق 17 مليار من قطاع السياحة
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
