محمد موسى يلقن محمد رمضان درسا قاسيا: دايمًا بتمارس دور الضحية.
وجّه الإعلامي محمد موسى انتقادات لاذعة للفنان محمد رمضان، واصفًا إياه بأنه "يمارس دور الضحية في كل أزمة"، متهمًا إياه بالتهرّب الدائم من المسؤولية وتقديم نفسه كالمظلوم، رغم أن تصرفاته تؤكد العكس.
وقال محمد موسى خلال تقديم برنامج "خط أحمر" على قناة الحدث اليوم،: "كل ما تحصل أزمة، يطلع محمد رمضان في لايف أو بوست، يمثل دور الضحية، كأنه مش طرف في المشكلة، وكأن الناس كلها متربصة بيه… مع إن الواقع بيقول إنه دايمًا في قلب الأزمة، ودايمًا السبب الرئيسي فيها".
وأضاف: "الموضوع بقى مكرر ومكشوف… تغلط، تبرر، وتهاجم اللي بينتقدك… وتلبس وش المظلوم. الجمهور مش غبي، والناس شايفة وبتحلل، ومش هتفضل تصدقك كل مرة".
واستنكر موسى تجاهل رمضان لوفاة أحد مساعديه، وتصرفه المستفز مع مهندس الصوت على المسرح، مؤكدًا أن "الفنان الحقيقي يُقاس بمواقفه قبل فنه، وبأخلاقه قبل أضوائه".
وختم بقوله: "دور الضحية اللي بتلعبه ما عادش ينفع… لأنك مش دايمًا المظلوم، أحيانًا – وده الأغلب – بتكون الجاني… والجمهور لازم يشوف الصورة كاملة، مش اللي بتعرضها أنت بس".
