ابدى محمد الباز رأيه على أزمة مها الصغير الأخيرة، وذلك بعد اتهمها بسرقة لوحة فنانة دنماركية ونسبها لنفسها دون وجه حق، مما أثار جدل كبير على مواقع التواصل الاجتماعي.
وكتب عبر حسابه الرسمي على موقع التواصل الاجتماعي الفيسبوك: “مجرد رأى، مها الصغير مش حرامية، مسرقتش اللوحات الأربعة وادعت انها هى اللى رسمتها”.
وتابع: “مها الصغير فى الغالب بتعانى من اضطراب نفسى حاد، بتعانى ربما بسبب الظروف اللى مرت بيها من حالة اهتزاز فى ثقتها بنفسها، العالم من حواليها انهار تقريبا”.
وأضاف: “وممكن جدا تكون بتعانى من هلوسات خيّلت لها إنها فعلا رسمت اللوحات دى، لأن حتى اللى بيسرق لوحات بيغير شوية من ملامحها، لكن يجيبها ويقول دى بتاعتى، فده جنون كامل”.
وأشار: “ لان حالة الانفتاح اللى بيعيشها العالم تخلى أى سرقة تتكشف بسهولة، فمفيش حد هيعرض نفسه لأزمة زى دى وهو فى كامل قواه العقلية”.
واختتم: “بيتهيألى الموضوع محتاج تحليل نفسى، فلو فيه حد من خبراء الطب النفسى يقول لنا إيه الحالة دى يبقى كتر خيره، اللى باقوله ده لا ينفى طبعا إننا قدام عملية سطو وخطأ كبير وسقطة مدوية”.
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
