الأهلي خد جزء من الكعكة والهلال حصل على 34 مليون دولار.. أرباح الفرق العربية في كأس العالم للأندية - غاية السعودية
غاية السعودية يكتُب.. يا ترى مين اكتر نادي عربي كسب فلوس من كأس العالم للأندية ؟ وايه ترتيب النادي الهلي فى قايمة الفرق العربية الكثر حصولا على عوايد من المونديال؟ ويا ترى كل نادي صرف كام وكسب كام؟
تعالى نحط الفلوس على الترابيزة ونشوف المكاسب الحقيقة للأندية العربية في بطولة كاس العالم للأندية اللي اتعملت لأول مرة بالشكل الجديد بمشاركة ٣٢ فريق.. في أمريكا.. وبميزانية مرعبة وصلت لـ٢ مليار دولار.
النسخة دي شارك فيها ٥ أندية عربية: الهلال السعودي.. الأهلي المصري.. العين الإماراتي.. الترجي التونسي.. والوداد المغربي.
وخليني أقولك من الآخر.. الهلال كان ملك الفلوس في البطولة.
الهلال بدأ بقوة.. تعادل مع ريال مدريد ١-١.. وتعادل سلبي مع سالزبورغ النمساوي.. وفاز على باتشوكا المكسيكي ٢-٠ كل نقطة في دور المجموعات ليها تمن.. التعادل بمليون دولار.. الفوز بـ٢ مليون دولار.
الهلال جمع كده ٤ مليون من المجموعات وبعدين حصلت المفاجأة.. الهلال أطاح بـمانشستر سيتي من دور الـ١٦.. وخد عليها ٧.٥ مليون دولار.
دخل بعدها ربع النهائي وخرج على يد فلومينينسي البرازيلي.. بس دخوله المرحلة دي خلى حسابه يزيد بـ١٣.١٢٥ مليون دولار.
وطبعًا فيه ٩.٥٥ مليون دولار بياخدهم كل فريق من فرق آسيا وإفريقيا وأمريكا الشمالية بس لمجرد المشاركة.. يعني الإجمالي للهلال وصل ٣٤.١٧٥ مليون دولار رقم ضخم مش بس على المستوى العربي.. ده حتى عالميًا.
نروح للنادي الأهلي .. البطل الإفريقي الكبير.
الأهلي لعب ٣ ماتشات بدأها بتعادل ١-١ مع إنتر ميامي الأمريكي.. خسر بعدها ٢-٠ من بالميراس البرازيلي.. واختتمها بتعادل ٤-٤ مع بورتو البرتغالي.
يعني جمع نقطتين.. كل نقطة بمليون دولار.. يعني ٢ مليون من الأداء في الملعب، وضيف عليهم ٩.٥٥ مليون دولار قيمة المشاركة.. الإجمالي؟ ١١.٥٥ مليون دولار.
بس بعد الضرائب اللي بتوصل لـ٣٠٪ فيدرالي.. بجانب ضرائب الولايات.. الأهلي هيصفّي تقريبًا على ٨ مليون دولار
والمعلومة المؤكدة إن الأهلي استعان بمكتب قانوني في أمريكا عشان يقلل نسبة الضرائب دي قدر الإمكان.
طيب.. العين الإماراتي نفس السيناريو تقريبا خسر أول ماتش من يوفنتوس ٥-٠.. وخسر التاني من السيتي ٦-٠.. بس فاز على الوداد ٢-١.
يعني حقق فوز واحد بـ٢ مليون دولار.. زائد ٩.٥٥ مليون مشاركة
الإجمالي؟ برضو ١١.٥٥ مليون دولار
بس بعد الضرائب.. "العين" هيدخل خزينة النادي حوالي ٧ مليون دولار صافي.
أما الترجي التونسي فإجمالي مكاسبه كانت زي الاهلى بالظبط ١١.٥٥ مليون دولار.
نيجي بقى للوداد المغربي
خسر التلات ماتشات.. يعني مفيش ولا نقطة.. مفيش أي مكسب من الماتشات
وخد بس المبلغ الأساسي للمشاركة: ٩.٥٥ مليون دولار.. وهو أقل فريق عربي في المكاسب.. سواء على مستوى الفلوس أو النتائج.
بس قبل ما نحكم.. لازم نعرف إن الأرقام دي كلها لسه ناقصة خصم الضرائب الأمريكية اللي بتاكل جزء معتبر من المكاسب.
وأحيانًا الفرق بتقع في فخ الحسابات المعقدة.. خصوصًا لو مفيش اتفاقية ضريبية بين بلد النادي والحكومة الأمريكية.
السؤال الحقيقي هنا بقى
هل الفلوس اللي دخلت الأندية العربية دي تساوي اللي اتصرف؟
وهل فعلاً البطولة كانت صفقة ناجحة؟ ولا مجرد بهرجة إعلامية بمكاسب مؤقتة؟
اللي نقدر نقوله إن الهلال خرج بأكبر استفادة.. مش بس فلوس.. لكن قيمة تسويقية واسم بقى على طاولة الكبار
والأهلي رغم تواضع النتائج نسبياً.. لكنه خرج برقم محترم جدًا.. خصوصًا مع نجاحه في تقليل الضرائب. أما الوداد.. فمحتاج مراجعة حسابات كاملة.
كُنا قد تحدثنا في خبر الأهلي خد جزء من الكعكة والهلال حصل على 34 مليون دولار.. أرباح الفرق العربية في كأس العالم للأندية - غاية السعودية بأستفاضة، ويمكنك تصفح جميع الأخبار المتعلقة بهذا الشأن عبر موقعنا غاية السعودية الالكتروني.
