استثمارات أجنبية غير مسبوقة هتدخل البلد.. إزاي مصر هتستفاد من رسوم ترامب الجمركية - غاية السعودية

غاية السعودية يكتُب.. ترامب رجع تاني يعمل قلق اقتصادي بالرسوم الجمركية الجديدة، ياتري هل الرسوم دي هتاثر علي مصر .. وازاي الاقتصاد المصري يستفاد من الرسوم الجمركية الأخيرة. 

الإدارة الأمريكية الجديدة برئاسة دونالد ترامب واضح انها عازمة علي تطبيق الرسوم الجمركية الأخيرة،. اللي ترامب فرضها علي البضائع والواردات اللي بتدخل السوق الامريكي والهدف منها زي ما قال إنها لحماية الاقتصاد والصناعة الأمريكية، وللاسف مع بداية تطبيق الرسوم الجمركية الأمريكية علي البضائع والسلع اللي دخلت السوق الأمريكي حصلت أزمة عالمية في الأسعار واللي تضاعفت مرات المرات بسبب الضرائب الكبيرة اللي فرضت عليها، وده عمل أزمة في البورصة الدولية وعمل أزمة كمان للدولار الأمريكي خصوصا أن في كان فيه توجه عالمي بعدم التعامل مع البضائع الأمريكية وفرض رسوم جمركية مماثلة عليها، وده اضطر إدارة الرئيس ترامب امها تتراجع عن فرض الرسوم الجمركية وتأجيل تطبيقها لمدة 3 شهور.

من جديد رجع الريس الأمريكي يهدد التجارة العالمية، ومن كام ساعة ترامب أعلن عن توقيع  رسائل ل 12 دولة علشان تحدد مستويات الرسوم الجمركية المختلفة اللي هتواجهها على السلع اللي بتصدرها للولايات المتحدة، خصوصا أن المدة اللي حددها ترامب لوقف العمل بالرسوم الجمركية الجديدة واللي موقف العمل بيها هتنتهي يوم الاربعاء اللي جاي الموافق 9 يوليو، وبالتالي الرسوم الجمركية اللي هتاكنت مفروضة علي البضائع والسلع اللي بتدخل السوق الامريكي هترجع تطبق تاني.

كل التوقعات يتأكد حاليا أن إدارة الرئيس الأميركي ترامب هتقر تعديلات جديدة الي الرسوم الجمركية وهترقعها ل 70% علي بعض البضائع والسلع اللي بتدخل السوق الامريكي، وهيبدا العمل بيها من بداية شهر أغسطس اللي جاي.

طيب إزاي الاقتصاد المصري يستفاد من الرسوم الجمركية الأمريكية علي البضائع والسلع اللي بتدخل عندهم ؟.

إعلان إدارة الرئيس الأميركي فرض رسوم جمركية علي البضائع اللي بتدخل السوق الامريكي سواء من دول الاتحاد الأوروبي أو الصين واللي هما اكبر مصدرين للبضائع والسلع هناك فده معناة أن تكلفة المنتجات والسلع دي هتزيد في السوق الأمريكي ترتفع، وده هيدي فرصة للدول المنافسة واللي منهم أنها تدخل كمصدر بديل للمنتجات بأسعار تنافسية خصوصا أن نسبة الرسوم الجمركية علي البضائع الواردة من السوق المصري مش هتتعدي 10%.

زيادة الصادرات المصرية للسوق الأمريكي مش هيا الفائدة الوحيدة اللي مصر هتكسبها من فرض الرسوم الجمركية الأمريكية، لا ده الرسوم دي هتدي فرصة الحكومة لاجتذاب الاستثمارات العالمية للدخول للسوق المصري خصوصا الشركات ورؤوس الأموال العاملة في السوق الصيني واللي هيا هتكون اكبر دولة معرضة لفرض رسوم جمركية، وده فعلا اللي حصل في الفترة اللي فاتت خصوصا أن مصر استقبلت عدد كبير من الاستثمارات الصينية واللي كلها عايزة تبدأ شغلها من السوق المصري ويكون اغلب إنتاجها موجه للأسواق الخارجية خصوصا السوق الامريكي للاستفادة من الرسوم الأمريكية البسيطة اللي موجودة علي البضائع المصرية، ده غير أن الاستثمارات دي هتستغل موقع مصر الجغرافي الفريد وهتبدا تعيد نفسها كمصدر تجاري قادر يصدر للعالم كله من خلال استغلال اتفاقات التجارة الحرة الكتيرة اللي مواقعها مصر مع كل دول العالم، وده هيخلي السوق المصري أكثر جاذبية للاستثمارات ورؤوس الأموال الأجنبية للدخول للسوق المحلي المصري.