محمد صبحي يوجه رسالة نارية بعد أنباء رحيله عن الزمالك:"النفوس مش زي بعضها"

أثار محمد صبحي، حارس مرمى الفريق الأول لكرة القدم بنادي الزمالك، جدلًا واسعًا مساء الاثنين، بعدما نشر رسالة قوية عبر حسابه الرسمي على "إنستجرام"، في أعقاب الأنباء المتداولة حول رحيله عن القلعة البيضاء خلال فترة الانتقالات الصيفية الجارية.

وكتب صبحي في رسالته:"ما تستغربش لما تلاقي ناس بتكرهك وأنت ما أذيتهمش، ولا تتصدم لما تقدم الخير ويترد لك بالأذى، النفوس مش كلها واحدة، وفي قلوب حواليك مليانة حقد وغل. مش كل الناس هتحبك حتى لو كنت بتتمنى لهم الخير من قلبك".

وتابع:"في ناس مهما كنت صادق معاهم، هيشوفوا طيبتك ضعف، وتصرفاتك الطبيعية هيفسروها على إنها تمثيل أو حب للظهور. حتى شهامتك ممكن تتحسب عليك إنها تصنّع. مش الكل حابب يشوف حقيقتك، لأنهم بيشوفوك من خلال نفوسهم السودة وقلوبهم المريضة".

واختتم حارس الزمالك رسالته قائلًا:"إحنا بقينا في زمن العجايب، فخلي دايمًا عندك توقع للي مايتوقعش. امشي على تربيتك ومبادئك، ومتستنّاش تقدير من حد. متعافرش علشان تبرر أو تثبت إنك كويس. في الآخر، اللي يهم هو نظرة ربنا لينا، مش نظرة الناس".