مصر توصلت لاتفاق مهم جدا مع روسيا بخصوص قروض محطة الضبعة النووية.. ياتري اية هو الإتفاق ده وآية فائدته للاقتصاد المصري.
مشروع محطة الضبعة النووية لتوليد الكهرباء واحد من أهم المشروعات اللي الدلو. شغالة عليها حاليا لتوليد الكهرباء من مصدر مهم من مصادر الطاقة المتجددة، والمشروع ده بقاله سنين عدد كبير من الحكومات حالووا ينفذه لكن للاسف كل المحاولات اللي سبقت قبل كده كلها فشلت بحد ما جه الرئيس عبدالفتاح السيسي وفي عام 2015 مصر وقعت مع روسيا عقود بناء وتشغيل محطات الطاقة النووية وتم اختيار منطقة الضبعة لمعايير كتيرة جدا لبناء المفاعلات وبدء إنتاج الكهرباء.
المشروع المصري الروسي اللي بيحظي بدعم كبير جدا من القيادة السياسية في مصر، واللي بيتكون من 4 مفاعلات قدرة كل واحد فيهم 1200 ميجاوات وهيوصل انتاج الأربع مفاعلات ل 4800 ميجاوات وهيكون واحد من أهم أدوات الحكومة في توليد الكهرباء من مصدر مهم جدا من مصادر الطاقه المتجددة وهيكونوا خلال وقت قريب قوي واحد من أهم أسباب وقف استيراد المواد البترولية من الخارج زي الغاز الطبيعي والمازوت واللي مصر بتستووهم من الخارج علشان يستخدموا في تشغيل محطات توليد الكهرباء، وده بهدف عدم لجوء الحكومة لتطبيق خطة تخفيف الأحمال وقطع الكهرباء.
طيب اية الاتفاق اللي مصر توصلت له مع روسيا لبناء وتشغيل محطة الضبعة النووية وأهمية للاقتصاد المصري ؟.
الاتفاق المصري الروسي لبناء محطة الضبعة النووية كان بناء علي قروض حصلت عليها مصر لبناء وتشغيل المشروع واللي هتوصل قيمتها ل 30 مليار دولار أمريكي الحكومة الروسية قدمت منهم قرض لمصر بقيمة 25 مليار دولار ييمثلوا 85% من التكلفة، ومصر ساهمت بحوالي 5 مليار دولار بما يمثل 15% من التكلفة، وهيتم سداد القرض بفائدة 3% سنويا،ط ومصر هتبدا سداد القرض بداية من 2029 وعلي مدة 22 سنة.
مصر هتبدت عالم دخول وإنتاج الكهرباء من الطاقة النووية في 2028 مع بداية تشغيل اول مفاعل واللي هيدخل الخدمة في 2028 وهيكون بقدرة 1200 وبعدها في 2029 الحكومة هتضيف مفاعل كمان لخطة التشغيل علشان يوصل الإنتاج الفعلي للطاقة المولدة ل 2400 ميجاوات، وفي 2030 هنضيف كمان مفاعل علشان يوصل الإنتاج الفعلي ل 3600 ميجاوات واخيرا في 2031 هنضيف كمان مفاعل وبكده تكتمل تشغيل المفاعلات في محطة الضبعة النووية باجمالي 4800 ميجاوات واللي هيا الطاقة الإجمالية لمحطة الضبعة النووية.
مؤخرا الحكومة توصلت لاتفاق مع روسيا لدفع قيمة القرض الروسي لبناء وتشغيل محطة الضبعة النووية علشان يكون بالروبل الروسي بدلا من الدولار وده واحد من أهداف الدولة لتخفيف الاعتماد واستنزاف الموارد الأجنبية للبنك المركزي، والاعتماد علي العملات المحلية في التجارة وسداد القروض وتوفير الدولار لعمليات واتفاقيات تجارية تانية هيحتاجها الاقتصاد المصري.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
