يا ترى إيه سر الهبوط المفاجىء لللدهب، وليه الوقية كسرت حاجز ال 3300 دولار للأوقية لأول مرة من 10 أيام، هل السبب هو انتعاش الدولار ولا الرسوم الجمركية الأمريكية ولا إيه بالظبط؟.
في الحقيقة، الدهب العالمي نزل فعليا بشكل صاروخي في الساعات الأخيرة، وذه بسبب حاجتين كبار، أولهم ترقب محضر الفيدرالي الأمريكي، وتاني حاجة هي رسوم ترامب الجمركية الجديدة اللي مولعة الدنيا.
يعني البنك المركزي الأمريكي، أو الفيدرالي الامريكي، لسه مقللش الفايدة، وده بسبب إن سوق العمل لسه قوي والتضخم مش ناوي يهدى، وده خلا المستثمرين يتوقعوا إن الفايدة هتفضل عالية شوية كمان، وده مش في مصلحة الدهب، لإن الدهب مالوش عائد، على عكس السندات اللي بتدفعلك فايدة محترمة.
" title="الدهب العالمي يهبط دون 3300 دولار بسبب رسوم ترامب.. شوف توقعات المعدن الأصفر" frameborder="0">
يعني اللي معاه فلوس بيروح يشتري سندات مش دهب، عشان كده شوفنا الأوقية نازلة ل3290 دولار، والجرام عيار 21 عندنا في مصر نزل ل 4610 جنيه، بعد ما كان فوق ال4645 بس من يومين.
كمان، ترامب راجع وبقوة، يعني الإدارة بتاعته بدأت تبعت رسائل تهديد لدول كتير، زي اليابان وكوريا الجنوبية، وبيجهز لرسوم جمركية هتوصل ل 200% على الأدوية و50% على النحاس، ومش بس كده ده كمان بيهدد كمان بزيادة 10% على دول مجموعة البريكس، خاصة وانه قال "الجميع هيدفع، ده تمن التجارة مع أمريكا"
طيب ده معناه إيه؟
بص يا سيدي، باختصار كده التوتر التجاري راجع، والأسواق العالمية كلها على أعصابها، والناس كانت بتشتري دهب كملاذ آمن، بس دلوقتي الدولار قوي والفوايد عالية، فالمستثمرين مش شايفين ضرورة يشتروا دهب، زوده بيضغط على الأسعار.
بس هل معنى كده إن الدهب خلاص مش آمن؟
مش بالضرورة، الدهب لسه ليه مكانته، خاصة لو الأزمة زادت أو التوترات الجيوسياسية كملت، ساعتها هيرجع يبقى ملجأ للمستثمرين، وساعتها ممكن نشوف صعود تاني.
والخلاصة هي ان الدولار قوي، والفوايد عالية، والمستثمرين باعوا دهب، لكن لسه في توتر في السوق، يعني كل الاحتمالات واردة بخصوص أسعار الدهب في الفترة الجاية، وممكن يرجع يعلى تاني في أي لحظة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
