يا ترى إيه قصة الدولار اللي ودع ال49 جنيه، طب ليه العملة الخضرا بتنزل، وهل ده معناه إن الجنيه ابتدى يستعيد عافيته؟
النهاردة، الدولار سجل تراجع جديد في معظم البنوك، ونزل تحت حاجز ال 49 جنيه لأول مرة من فترة، يعني مثلا في بنك مصر والبنك الأهلي الدولار بقى ب48.85 جنيه للشراء و48.95 جنيه للبيع، وفي بنوك تانية زي HSBC والإسكندرية، السعر قرب يوصل ل48.83 للشراء و48.93 للبيع.
طب إيه السبب ورا النزول ده؟
ببساطة، في 3 أسباب رئيسية، اولها ارتفاع الاحتياطي النقدي الأجنبي بشكل قوي، وده خلا البنك المركزي يقدر يلبي الطلب على الدولار بكل أريحية.
وتاني حاجة هي، تحسن مصادر العملة الصعبة، سواء من الصادرات أو السياحة أو تحويلات المصريين في الخارج اللي بقوا يضخوا دولارات بشكل منتظم في السوق.
" title="الأخضر يودع الـ49 جنيه.. شوف سعر الدولار وصل لفين بعد التراجع الكبير؟" frameborder="0">
وتالت جادة هي ضبط السوق والمضاربة، فالبنك المركزي بقى حاسم جدا في منع أي ممارسات غير رسمية، وده خلا السوق الموازي يختفي تقريبا.
طب دلوقتب الدولار نازل، والسوق هادي.. وده معناه إيه؟
معناه إن فيه ثقة أكبر في الاقتصاد المصري، وإن الجنيه ابتدى ياخد أنفاسه بعد سنين من الضغط، وده كمان بيشجع المستثمرين الأجانب يرجعوا يستثمروا في أدوات الدين الحكومية اللي بتدخل دولارات جديدة في السوق.
طب ودي نهاية نزول الدولار؟
محدش يقدر يقول كده، لكن المؤشرات بتقول إن الاتجاه حاليا نازل مش طالع، وخاصة مع استقرار السياسات النقدية وعدم وجود طلب كبير على العملة الأمريكية زي قبل كده.
وبالنسبة للناس اللي بتيأل نشتري دولار ولا لأ، فنقدر نقول إن ده بيعتمد عليك وعلى هدفك، لكن اللي بنأكد عليه دايما هو انك لازم تتابع السوق كويس وكمان تتابع قرارات البنك المركزي وتابع الاحتياطي النقدي، ومتخليش قرارك مبني على إشاعة أو تريند.
والخلاصة، هي ان الدولار تحت ال49، والجنيه بيكسب جولته في معركة الصرف، ولو استمر الأداء بالشكل ده فممكن نشوف مستويات أقل كمان خلال الفترة الجاية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
