بعد سنين طويلة من التعاون بين صندوق النقد الدولي والحكومة المصرية.. الحكومة خلاص لجأت لمكان جديد علشان نقترض منه ياتري مين هو المكان ده... وآية شروطه لمنح مصر القروض اللي هيا عايزها.
من سنين طويلة كان في تعاون بين الحكومة المصرية وصندوق النقد الدولي لبناء برنامج اقتصاد قومي مرن قادر علي التعامل ومواجهة كل الصدمات الخارجية، وكمان بيشمل تنويع مصادر الدخل الدولاري لمصر من الخارج خصوصا أن التجربة أثبتت وبالدليل أن الاعتماد علي مصدر واحد أو اثنين فشل ما بعده فشل، وده اللي حصل بما تغيرات وارتفعت التوترات الجيوسياسية والاقتصادية في منطقة الشرق الاوسط مصادر الدخل الدولاري لمصر توقفت تماما.
التعاون المصري مع صندوق النقد الدولي تضمن كمان حصول مصر علي عدد كبير من القروض بهدف مساعدة مصر في برنامجها الاقتصادي، لكن القروض دي علشان مصر تحصل عليها كان في عدد كبير من الشروط اللي كان لازم الحوطة تنفذها وأغلب الشروط دي كان متعلق برفع الدعم وتحرير اسعار الطاقة وتقليص وترشيد النفقات، وكمان تخارج الحكومة من القطاعات والشركات اللي مملوكة للدولة وطرحها للشراكة قدام القطاع الخاص وده بهدف تعظيم إيراداتها وتحويلها إلي شركات يتحقق ناتج إيجابي في الناتج القومي المصري.
طيب اية البنك الجديد اللي الحكومة هتتجده له علشان تحصل علي قروض بديلاً لصندوق النقد الدولي ؟.
خلاص الشهور اللي فاتت مصر نجحت في أنها تكون عضو فاعل في مجموعة بريكس ودول مجموعة بتضم عدد كبير من دول العالم ويمثلوا رقم كبير كبير في الاقتصاد العالمي، والمجموعة دي عندها بنك اسمه بنك التنمية الجديد وده بنك انشته مجموعة البريكس في 2015 كبديلٍ للمؤسسات المالية الغربية، والهدف منه هو تمويل مشروعات البنية التحتية والتنمية المستدامة في الدول الأعضاء.
بنك التنمية الجديد له اكثر من ميزة علي الدول اللي بتاخذ منه قروض خصوصا أنه ملتزم بسياسات إقراض أكثر مرونة، وشروط أقل تقييد مقارنة بصندوق النقد الدولي، وده بيخليه خيار جذاب للحكومات في الدول الأعضاء في مجموعة البريكس .
في أكثر من هدف لحكومات الدول الأعضاء في تكتل بريكس خلاهم يلجأوا للتعامل مع بنك التنمية الجديد أولهم هو الهروب من القيود الغربية خصوصا أن شروط صندوق النقد بتتضمن برامج تقشفية وخصخصة وتحرير العملة، وعنده ميزة تمويل بنية تحتية ضخمة وبيقدم قروض لتمويل مشروعات استراتيجية طويلة الأجل، والهدف منة تقليل الاعتماد على الغرب وخلق توازن في العلاقات الدولية وبيعزز الشراكات مع دول البريكس وبيفتح أبواب تجارية واستثمارية بين الدول الأعضاء في تكتل بريكس.
في الفترة اللي فاتت الحكومة ممثلة في وزارة التخطيط والتعاون الدولي قدمت طلب لبنك التنمية الجديد للحصول علي قروض مسيرة خصوصا أن الحكومة أكدت أكثر من مرة إنتهاء العلاقة مع صندوق النقد الدولي مع نهاية قرض ال 8 مليار دولار واللي مصر حصلت علي موافقته في مارس 2024 وصرفت منه 4 شرائح حتي الآن.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
