دعمت الفنانة رانيا فريد شوقي النجمة الكبيرة وفاء عامر بعد اتهامات كاذبة لا أساس لها من الصحة بخصوص واقعة وفاة اللاعب إبراهيم شيكا وقالت شوقي عبر صفحتها الرسمية فيس بوك : "اديني عقلك!.. واحدة طالعة النهاردة تقول كلام من وحي الخيال عن وفاء عامر، هي نفسها اللي قبل كده قالت إنها بنت الرئيس الراحل حسني مبارك!.. كلام مالوش أي منطق، واللي عنده ذرة عقل ما يصدقش.. لكن للأسف، في ناس -زي ما بيقول المثل- عايزين جنازة ويشبعوا فيها لطم.. إحنا في زمن السوشيال ميديا، أي حد ممكن يطلع يقول أي حاجة ويشوّه سمعة الناس بكلمتين.. عشان كده لازم أي إنسان، مهما كان مشهور أو لأ، ما يسكتش عن حقه، وياخده بالقانون.
وفاء عامر أكبر من أي شائعة
وأضافت :وفاء عامر إنسانة قبل ما تكون فنانة، بتعمل خير كتير، مش بس مادي لكن كمان معنوي، بتقف جنب ناس كتير في أزماتهم تعرفهم أو متعرفهمش.. واللي يعرفها يعرف إنها ست جدعة و بميت راجل.. الكلام الفارغ بيتقال وينتهي، لكن الحق عمره ما بيموت.. وفاء عامر أكبر من أي شائعة، والقانون هو اللي هيرد على كل كذبة".
الجدير بالذكر أن الفنانة وفاء عامر عبرت عن استيائها بسبب الزج باسمها واتهامها بالضلوع في وفاة لاعب الكرة السابق إبراهيم شيكا والاتجار بأعضائه والعمل مع شبكات لتجارة الأعضاء.
وأصدرت نقابة المهن التمثيلية بدورها بيانًا رسمياً أعلنت فيه دعمها الكامل للفنانة وفاء عامر، مشيرة إلى تشكيل لجنة قانونية للتصدي للشائعات ومتابعة الإجراءات القانونية، مؤكدة أن "وفاء عامر فنانة كبيرة لها مسيرة مشرفة ومواقف وطنية"
