يا ترى ليه الدولار بينزل، وهل فعلا الجنيه بدأ يقوى ولا الموضوع كله حركة مؤقتة، وده معناه إيه للاقتصاد؟
في الأيام اللي فاتت، الدولار بدأ ينزل شوية قدام الجنيه، وده خلا ناس كتير تسأل هل فعلاً السوق بقى مرنؤ ولا ده مجرد هدوء قبل العاصفة؟
اللي قاله الخبراء، إن التراجع ده ليه علاقة كبيرة بمرونة سوق الصرف، يعني إن السعر بيتحرك حسب العرض والطلب، مش بالتثبيت أو التدخل المباشر.
كمان، السبب الرئيسي في تراجع الدولار هو دخول تدفقات استثمارية قصيرة الأجل، يعني فلوس من مستثمرين اشتروا أدوات دين زي أذون الخزانة بسبب العائد المرتفع، وكمان في توقعات بتمويلات خارجية قريبة، وده خلا السوق يحس إن فيه استقرار مؤقت، وبالتالي الدولار قل شوية.
" title="الدولار في خطر ليه العملة الأمريكية بتنهار فجأة في مصر؟" frameborder="0">
لكن الموضوع مش تحسن هيكلي، يعني ممكن مايبقاش دائم، بس لو مصر ما قدرتش تزود موارد الدولار من السياحة والتصدير والاستثمار الأجنبي المباشر، يبقى التراجع ده ممكن ما يطول، ونقدر نقول، ان إن اللي بيحصل ده طبيعي ومش بالضرورة معناه إن الجنيه في طريقه للصعود الكبير.
يعني اللي حصل مجرد تحركات اعتيادية داخل سوق الانتربنك السوق بين البنوك، وكمان الطلب على الدولار من المستوردين والمستثمرين هدي شوية، فالبنوك عرضت الدولار بسعر أقل، يعني باختصار، العرض زاد والطلب قل فالسعر نزل.
لكن هل ده معناه إن الدولار هيكمل في النزول؟
بصراحة مش بالضرورة، وده لان التراجع ده مرتبط بحاجا فنية وموسمية، زي إن الطلب على الدولار دايما بيقل في أوقات معينة من السنة، أو إن في مستثمرين صفوا مراكز مالية، وبردو مفيش أي تغير سياسي أو اقتصادي كبير حصل في المنطقة يفسر إن الجنيه يقفز قدام الدولار.
ونقدر نقول ان اللي حاصل دلوقتي هو انعكاس لمرونة التسعير، بس عشان يبقى فيه تحسن حقيقي ومستمر، لازم نعمل شوية إجراءات مهمة، زي مثلا نصدر أكتر ونستقبل سياحة أكتر ونجذب استثمارات حقيقية طويلة الأجل ونقلل الاعتماد على الاستيراد، ساعتها بس هنشوف فرق واضح في سعر الدولار، ونقدر نقول إن الجنيه ماشي في طريق الاستقرار.
والسؤال المهم هل الحكومة جاهزة تحقق ده، وهل هنشوف تغيير حقيقي في مصادر الدخل من العملة الصعبة؟
اللي جاي هو اللي هيجاوب، بس المؤشرات الأولية بتقول إن فيه خطوات بتتاخد بس لسه الطريق طويل وعايز شغل كتير.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
