استثمارات بالمليارات جديدة هتدخل السوق المصري من كوريا الجنوبية .. ياتري اية حكاية الاستثمارات دي وآية المجالات اللي هتدخل فيها .. وليه كوريا الجنوبية عايزة تدخل السوق المصري في التوقيت ده بالذات.
في تعاون كبير موجود دلوقتي بين مصر وكوريا الجنوبية، خصوصا بعد مذكرة التفاهم اللي وقعتها الوكالة المصرية للشراكة من أجل التنمية مع الوكالة الكورية للتعاون الدولي، وفي الوقت الحالي في استثمارات كبيرة من كوريا الجنوبية بتبحث المجالات الاقتصادية المتاحة في مصر.
طيبه ليه كوريا الجنوبية عايزة تدخل السوق المصري في الوقت الحالي ؟.
كوريا الجنوبية شايفة مصر بوابة مهمة لأفريقيا وأوروبا، وعندها رغبة أنها توسع استثماراتها في مصر تفتح بوابات تصدير جديدة في عدد كبير من الصناعات زي السيارات والطاقة النظيفة وقطاع الدواء وتستغل العلاقات التجارية اللي موجود بين مصر دول العالم وتفتح الصادرات المصرية لكل دول العالم، وده بعد التسهيلات الكبيرة اللي قدمتها مصر للمستثمرين علشان يحفزهم أنهم يدخلوا السوق المصري.
في عدد كبير من المجالات مستهدفة لاستثمارات كوريا زي قطاع السيارات وقطع غيارها، خصوصا أن في طلب كبير في السوق المصري علي صناعات السيارات ومكوناتها دي غير الطلب الكبير اللي بتستهدفه مصر لزيادة صادراتها من السيارات لكل دول العالم، ده غير استهداف التوسع في صناعة السيارات الكهربائية واللي عليها طلب عالمي في الوقت الحالي.
في صناعة جديدة استثمارات كوريا الجنوبية مستهدفها في السوق المصري وهيا البتروكيماويات والبترول والطاقة، وفي أكثر من وفد من كبري شركات كوريا الجنوبية وصلت لمصر وبحثت فرص استثمار في البترول والبتروكيماويات في مصر، خصوصا بعد الاجتماعات اللي جمعتهم مع وزارات البترول وباقي الجهات في مصر .
قطاع الدواء واحد من القطاعات اللي عليها العين من شركات كوريا الجنوبية، واللي أغلبها هيكون موجه للتصدير للخارج، وه بعد التطوير الكبير اللي قامت بيه مصر في البنية التحتية في القطاع .
شركات كوريا الجنوبية بتستهدف من صادرات الدواء احتلال السوق الافريقي، خصوصا أنه سوق واعد جدا وفي اهتمام كبير عليه من شركات الأدوية في السوق المصري، وده بسبب الانتشار الكبير للأمراض والأوعبة في عدد كبير من دول القارة ده غير التأخر اللي موجود عندهم في الأنشطة الصحية والبنية التحتية وده اللي بيخليهم سوق مهم جدا قدام الصادرات المصرية.
قطاع التكنولوجيا والذكاء الاصطناعي واحد من القطاعات اللي عليها العين في الوقت الحالي، وكوريا الجنوبية واحدة من الدول اللي معروف عنها انها لها استثمارات كبيرة في المجال ده، وده ممكن يفتح فرص تعاون في التحول الرقمي .
في عائدات كتيرة هتكسبها مصر من النوع ده من الاستثمارات أولها أنها هتوفر عدد كبير من فرص العمل للشباب سواء كانت بشكل مباشر أو غير مباشر، ده غير أنها هتكون وسيلة لمصر لنقل التكنولوجيا في أنواع كتيرة من الصناعات اللي هيحتاجها السوق المصري زي الصناعات الدقيقة والإلكترونيات، وطبعا الصناعات دي هتكون باب لمصر لزيادة الصادرات للسوق الخارجي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
