منفذ دولاري جديد لمصر من الحاصلات الزراعية ..ومصر مركزة بشكل كبير علي التصدير الي روسيا .. ياتري اية سر اهتمام مصر بزيادة صادراتها الي روسيا.. والحكومة بتستهدف انها توصل لكام.
روسيا واحدة من الدول اللي لها علاقات متميزة مع مصر في كل المجالات، والعلاقات دي زادت بشكل كبير بعد دخول مصر الي تكتل البريكس واللي روسيا عضو فيه، وحاليا في مشاورات بين البلدين لزيادة التعاون الاقتصادي وأنه يكون بالعملات المحلية للدولتين والبعد تماما عن التعامل بالدولار الامريكي.
طيب إيه حكاية خطة مصر لزيادة صادراتها الزراعية الي روسيا ومصر مستهدفة توصل لكام ؟.
الحاصلات الزراعية واحدة من الحاجات المهمة اللي مصر بتصدرها لروسيا، والدولة في الوقت الحالي بتستهدف زيادة صادرات الحاصلات الزراعية الي 15%، خصوصا أن السوق الروسي بيعتمد علي مصر في الحصول علي عدد كبير من الحاصلات الزراعية.
الحاصلات الزراعية اللي مصر بتصدرها الي روسيا بتضم عدد كبير من الانواع زي البطاطس الطازة اللي مصر بتصدرها الي روسيا بكميات كبيرة جدا، وخلال السنة اللي فاتت صادرات البطاطس ارتفعت الي روسيا بأكثر من نصف مليون طن مقارنة بأقل من 200 ألف طن الموسم اللي قبله.
الموالح بأنواعها زي زي البرتقال واليوسفي المصري عليه اقبال كبير في الدول الخارجية، وفي السوق الروسي البرتقال المصري له وضع خاص، وزي ما البرتقال له وضع خاص هناك برضوا في صادرات تانية لها رواج في الاسواق هناك زي البصل والثوم والجزر والخضراوات المجمدة والعصائر عليها اقبال كبير في السوق الروسي.
طيب إزاي الدولة هتزود الصادرات المصرية للسوق الروسي؟.
في أكثر من خطة الدولة شغالة عليها لزيادة الحاصلات الزراعية للسوق الروسي أولها الخط الملاحي الجديد اللي الدولة بتعمله في الوقت الحالي من ميناء الدخيلة للموانئ الروسية واللي هيكون مخصص لنقل الحاصلات الزراعية، وده بهدف سرعة نقل المنتجات والحاصلات الزراعية، والحكومة في الخطة ده هتكرر اللي عملته في خط الرورو واللي عملته الدولة لنقل وزيادة صادرات الحاصلات الي ايطاليا وأوروبا.
الدولة في الوقت الحالي سهلت بكسب كبير إجراءات الحجر الزراعي وخلت موافقات التصدير قليلة جدا، علشان تصدير الحاصلات الزراعية يبقى أسرع وأقل تعقيد عن اللي كان بيحصل قبل كده، والدولة كمان استغلت علي تحسين التعبئة والتغليف والتبريد وقت النقل، خصوصا أن جودة المنتج وقت الوصول للسوق الروسي مهمة جدا.
الدولة حاليا عندها اهتمام بزيادة مشاركة المصدرين في المعارض الروسية، وده بهدف الترويج وزيادة عرض المنتجات المصرية والوصول الي المستهلكين والتجار في الأسواق هناك، ده غير أن الدولة حاليا بدأت تشجع علي أنواع محددة من الزراعات واللي عليها طلب خارجي وتكون مستهدفة للتصدير الي الخارج.
الزيادة اللي بتستهدفها مصر في زيادة صادرتها الزراعية الي السوق الروسي ممكن الدولة تستخدمها في الاستيراد من هناك، زي واردات القمح واللي مصر بتعتمد فيها علي عدد كبير من الدول أولهم روسيا وبالتالي مصر هتوفر مبالغ ضخمة جدا بترصدها مصر لتغيطة النقص المحلي في إنتاج الحبوب.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
