60 ألف شقة جديدة وزارة الإسكان بتستعد لطرحها.. ياترى مين الفئات اللي هتكون مخصص لها الطرح الجديد.. وهل هيتضمن شقق للإسكان الاجتماعي .. واية هيا شروط التقديم عليها وسعرها كام.
وزارة الإسكان والمرافق والمجتمعات العمرانية، حاليا بتستعد لعمل مفاجأة مهمة جدا لكل طوائف الشعب المصري والمفاجأة دي هتكون اول هدية من الحكومة علي منصة مصر العقارية، ودي أول منصة بتستهدف التحول الرقمي في السوق العقاري واللي هتظهر للنور مع بداية شهر أكتوبر اللي جاي، ودي خطوة من خطوات الدولة لتحسين السوق العقارية، واستهداف الرقمنة وتكنولوجيا المعلومات في كل المجالات.
طيب ايه هيا حكاية منصة مصر العقارية وآية أهدافها ؟.
منصة مصر العقارية واحدة من المنصات اللي بتستهدف توفير قاعدة بيانات دقيقة ومحدثة لحظيا للعقارات المطروحة في السوق المصرية، وهتيح كمان خدمات إلكترونية متكاملة بهدف سرعة الوصول للمعلومات العقارية المعتمدة، وهتسهم في تحسين جودة التعاملات العقارية في السوق المحلي وربط مصر بالأسواق العالمية.
في مفاجأة مهمة جدا للحكومة واول هدية من الحكومة للمواطنين علي منصة مصر العقارية، الدولة أعلنت عن طرح المرحلة الثانية من 400 ألف وحدة سكنية، واللى أعلنت عنها وزارة الإسكان والمرافق، ضمن مشروعات الإسكان المتوسط والفاخر في 40 مدينة جديدة بمساحات وأسعار مختلفة للمواطنين متوسطي الدخل.
التقديم الجديد واللي هيكون علي منصة مصر العقارية هيكون متاح للعملاء المتقدمين للحجز في أي محافظة أو مدينة، وبدون شرط التوزيع الجغرافي، وهيوصل مقدم جدية الحجز 200 ألف جنيه، والطرح هيضم مشروعي المرحلة الثانية من مشروع ديارنا في 24 مدينة مختلفة والمرحلة الأولى من مشروع ظلال واللي هيكون بديل لمشروع جنة مصر. هيكون متاح قدام المواطنين في 17 مدينة بإجمالي 60 ألف وحدة سكنية جاهزة للتسليم الفوري وبمساحات وأسعار متفاوتة وحدات سكنية .
مساحات الوحدات الجديدة واللي هتكون مطروحة قدام المواطنين بداية من يوم الاربعاء اللي جاي هتترواح من 105 الي 153 متر للوحدة حسب المشروع وطراز الشقة، والسعر المتوقع للمتر هيتراوح على حسب المشروع والتشطيب وهيبدا من 10 آلاف جنيه للمتر وبيوصل لحد 35 الف جنيه للمتر في بعض الطروحات أو المشروعات الفاخرة.
أما بقي عن الناس اللي بتسال علي أنظمة السداد والمقدم وميعاد التسليم، فالمنصة هتيح أنظمة سداد مرنة وتقسيط على فترات، وهتكون متاحة كمان وحدات تحت الإنشاء والتسليم هيكون خلال من 24 الي 36 شهر في الأغلب.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
