أكدت الداعية الإسلامية الدكتورة دينا أبو الخير، أن الابتلاءات التي يمر بها الإنسان المؤمن ليست دليلًا على غضب الله، بل هي من أوجه الرحمة الإلهية التي تمحو الذنوب وتزيد الحسنات وترفع الدرجات.
وأوضحت أبو الخير خلال تقديمها برنامج "وللنساء نصيب" والمُذاع عبر قناة صدى البلد، أن المسلم حين يتلقى الابتلاء بالصبر والرضا، فإنه ينال بذلك أجرًا عظيمًا من الله عز وجل، قائلة: «الإنسان لما يقع عليه بلاء أو ضر، ويصبر عليه، ففي باطنه خير كبير له.. وزي ما قال النبي ﷺ: عجبًا لأمر المؤمن، إن أمره كله له خير».
وأضافت: “الابتلاء مش غضب من ربنا.. ده يا إما تكفير للذنوب، أو رفع للدرجات، لأن الله يبتلي المرء على قدر دينه.. شوف دينك شكله إيه؟ فيه يقين؟ فيه صبر؟ فيه اعتماد على الله؟ ساعتها الابتلاء بيكون على نفس القدر”.
وحذّرت دينا أبو الخير من الفهم الخاطئ الذي يقع فيه بعض الشباب عند بداية الالتزام، بأن الطاعات تجلب البلاء، موضحة: “فيه ناس تقولك: أنا خايف أتقرب من ربنا علشان مش عايز يبتليني لا طبعًا.. دا مش فهم صحيح، ربنا بيختبرك عشان يقويك، عشان المحن تبقى أبواب خير تتفتح ليك”.
وتابعت: "اللي ماشي في طريق ربنا، بيكون شايف الأمور بنظرة تانية.. شايف أن الابتلاء خير، وأن الله لا يُغلق بابًا إلا ويفتح له أبوابًا أخرى.. بنقول يا رب صابرين ومستنيين العوض:.
واختتمت دينا أبو الخير حديثها بنصيحة مهمة: “بلاش نسمع لكلام الناس اللي بتقولك ربنا غضبان عليك عشان ابتلاك.. الكلام ده نرميه ورانا تمامًا، لأن كل أمر المؤمن خير، ومفيش حاجة بتحصل دون حكمة من الله”.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
