لما تلاقي ملياردير زي ناصف ساويرس يقرر يسيب لندن ويروح يعيش في إيطاليا، لازم تسأل: إيه سر الجاذبية هناك؟
ميلانو بقت دلوقتي مش بس عاصمة للموضة، لكن كمان عاصمة للأثرياء.
من 2017، إيطاليا قدمت نظام ضريبي خاص بيخلي أي ثري أجنبي يدفع 200 ألف يورو بس سنويًا على دخله الخارجي، مهما كان حجمه.
وبالنسبة للأغنياء؟ الموضوع شبه زيادة سعر فنجان قهوة، مش فارق معاهم.
النتيجة؟ أكتر من 3600 مليونير اختاروا إيطاليا في 2025.. منهم ساويرس، وكبار المصرفيين زي ريتشارد نود من بنك جولدمان ساكس.
التدفق ده أشعل سوق العقارات، أسعار البيوت في ميلانو ارتفعت 49% من 2017، مقارنة بـ10% في باقي المدن الأوروبية.
وبقت المدينة مليانة نوادي خاصة ومشروعات جديدة معمولة مخصوص علشان تخدم الوافدين الأثرياء.
وفي الوقت اللي فرنسا وسويسرا بيشدّدوا الضرائب، وبريطانيا لغت نظام الإعفاءات، ميلانو بتكسب السباق.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
