حلم الاستثمار واحدة من الاحلام اللي بترواض كل واحد فينا ، بس طبعا الاحلام حاحة والواقع حاجة تانية تماما.. ياتري اية اقصر الطرق اللي ممكن المواطن البسيط يبدأ منها.. وآية أهم الأوعية الادخارية اللي ممكن المواطن يبدأ منها.
الظروف الاقتصادية الحالية فرضت تحديات كبيرة جدا علي الناس وبسببها مبقاش في أي مرتب بيكفي الاحتياجات اليومية لاي بيت مصري،. كل الناس بدأت تدول علي باب استثمار يدخل لهم مصاريف لو هامش ربح حتي بسيط،. يكون بعد كده هو البداية لحياة جديدة مبنية علي اساس استثماري.
طيب إزاي اي مواطن بسيط يقدر يبدأ رحلة الاستثمار في الذهب ويكون ثروة ضخمة ؟.
تعرف انك لو معاك 5 آلاف جنيه ممكن تبدأ بيهم رحلة الاستثمار في الذهب واللي بيعد واحد من أهم الأوعية الادخارية في الوقت واللي عليها اقبال كبير في الوقت الحالي بسبب الارقام والمكاسب الكبيرة اللي وصلت له أسعار المعدن الأصفر في العالم كله، واللي انعكس علي الأسعار عندنا في مصر.
لو معاك 5 آلاف جنيها، وعايز تبدأ رحلة الاستثمار في الذهب، يبقي أول حاجة تعملها إنك تعرف سعر الجرام النهارده.
زي مثلا أن سعر جرام 21 واللي هو الأكثر مبيعا وانتشارا في مصر حاليا بيسجل 4725 جنيه، وعيار 18 بسعر 4078 وعيار 24 بسعر 5437 حينه، يعني لو معاك 5000 جنيه تقدر تشتري جرام تقريبا، أو تشتري مثلا 100 وحدة من شهادات الاستثمار في الذهب بحوالي 100 جنيه للوحدة من الصندوق ده.
تاني خطوة علشان تبدأ حلم الاستثمار في الذهب أنك تشتري ذهب اصلي مش مغشوش خصوصا في نسبة كبيرة موجودة حاليا في الذهب بالأسواق مغشوشه وعلشان تتأكد من سلامة الذهب اللي هتشريه في أكثر من طريقه تتأكد بيها من سلامة الذهب أولهم وجود الختم الرسمي من هيئة التنسيق المصرية وشهادة الأصالة، أو انك تقرب مغناطيس في الذهب قبل ما تشتريه في حالة لو الذهب انجذب للمغناطيس تعرف أن الذهب ده مغشوش لو محصلش انجذاب يبقي الذهب ده اصلي وتوكل علي الله واشتري.
الخطوة الثالثة وعلشان تحقق مكاسب من الذهب أنك تحتفظ بالذهب اطول فترة ممكنة خصوصا أن المكسب الحقيقي في الذهب ييظهر لما نحتفظ بالذهب اطول فترة ممكنة ويكون العميل شايلة في مكان آمن وبعيد عن أي مخاطر أو سرقة .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
