احتفلت الإعلامية مفيدة شيحة بعيد ميلادها الـ 54، حيث شاركت جمهورها عبر حسابها الرسمي على موقع إنستجرام بمقطع فيديو مؤثر وجّهت خلاله رسالة إلى نفسها.
وخلال الفيديو، لم تتمالك مفيدة دموعها أثناء حديثها عن رحلتها الحياتية والمهنية، قائلة:
"النهاردة تميت 54 سنة، وطلبوا مني أوجه كلمة لمفيدة في عيد ميلادها.. يمكن ناس تفتكر إن دي لحظة تمثيل أو غرور، لكن الحقيقة إني فخورة بنفسي جدًا".
وتابعت:"فاكرة لما كان عندي 25 سنة ولسه والدة منة، وكان عندي طموحات كتير مش عارفة أبدأ منين، والحياة كانت بتاخدني في طرق مختلفة لكن النهاردة، ببص على الست اللي قدامي وبقول لها برافو".
وأضافت:"حققتِ مسيرة مهنية ناجحة، وكونتِ بيت وأسرة، وراعيتِ والدتكِ لحد ما فارقت الحياة وهي مش محتاجة حاجة.. علمتِ بنتكِ كويس لحد ما حصلت على الماجستير، وجوزتيها زي ما هي كانت بتحلم، من الفستان للمكان للعريس".
شاهد الفيديو من هنا
واختتمت حديثها قائلة: "حافظتِ على كرامتكِ وعزة نفسكِ، ومترجّتيش حد ولا اتنازلتي في أي خطوة. عملتِ (ستات ماركت) وحقق نجاح كبير، كنتي ست بـ100 راجل، وحجّيتي، ولسه بتحلمي. وعقبال ما توصلي لـ60 سنة وتحققي باقي اللي بتتمنيه من ربنا الستر، الصحة، والحفيد اللي يطبطب على قلبك".
