صحيح اللى قال "يا مجنونة يا قوطة".. النهارده كيلو الطماطم في الأسواق بقى بيتباع ما بين 10 و15 جنيه.. ودي زيادة كبيرة جدًا لو قارناها بالأيام اللي فاتت لما كان بـ5 جنيه بس.
طب ليه القفزة دي؟
الحكاية كلها إننا دلوقتي في فترة اسمها "فاصل العروتين".. يعني الموسم الصيفي خلص ولسه الموسم الشتوي ما دخلش، وده بيخلي المعروض يقل، ومع زيادة الطلب الأسعار لازم تعلى.
نقيب الفلاحين، حسين أبو صدام، قال إن اللي بيحصل دلوقتي طبيعي، وإن الأسعار ممكن تفضل في الحدود دي، يعني من 15 لحد 20 جنيه، لغاية نهاية أكتوبر.
بس في خبر يطمنك، إنه مع بداية نوفمبر ونزول المحصول الجديد، الأسعار هتبدأ تنزل تاني تدريجيًا.
الطماطم الفترة الأخيرة أسعارها نزلت تحت التكلفة.. وده المزارعين بدأوا يهملوا فيها.. وكان سبب إضافي إن المعروض يقل الفترة دي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
