كشفت الفنانة دانا حمدان عن معاناته مع إحدى منتجات التجميل، حيث قامت بحقن وجهها بإحدى المواد المحفزة له، ولكن بعد شهر من الأمر تعرضت لألم شديد لم تستطيع تحمله.
دانا حمدان: عديت بأسوأ 3 أسابيع في حياتي
نشرت دانا حمدان فيديو لها على حسابها الرسمي بموقع تبادل الصور والفيديوهات انستجرام، ورصده موقع تحيا مصر، قالت فيه: عديت بأسوأ 3 أسابيع في حياتي، بسبب إني جيت أحقن حاجة على أنها مجرد سكين بوستر ومحفز لـ الوجه ومفيش فيها أي حاجة لتغير شكل وجهي، ولكن بعد الحقن مر شهر ولم أتحمل شدة الألم، موجهه لتلك العيادة رسالة: لو كان عندي تعاقدات عارفين اللي كنت هدفعه عشان مش قادرة أتحرك من الوجع ومن شكلي.
وتابعت: كان ممكن ردة فعلي تكون أبشع من كده بكتير، بسبب أن المقاوحة استفزتني وأنا مش عاوزة أتألم وأخد أدوية وأنتوا كـ عيادة اتفقتوا معايا على حاجة وتخلوني أعدي بالتجربة دي من الألم ازاي؟
دانا حمدان: بصحى كل يوم مش عاجبني شكلي وعندي صداع دايما
وأضافت: بصحى كل يوم وشكلي مش عاجبني، عاوزه شكلي الأولاني بخدودي الواقعة.. ولما كشفت بعد ذلك الألم الدكتور قالي كملي على الأدوية والدنيا هتعدي ولكن الأغلاط بالحاجات دي كترت ونقابة الأطباء محتاجة تراجع العيادات وهل دول فعلًا دكاترة؟.. ولا ناس عادية ولو هاخد إجراء قانوني فده من حقي، وعمري ما بطلع عالسوشيال ميديا غير عشان أقول حاجة حلوة، ومقدرش مقولش اللي حصل معايا.
واكدت: المكابرة شيء مش مقبول وكلمة سوري أكتر شيء مستفز، ومش معلش وأنا قولت اللي يرضيني وربنا بيحبني وعارف اني إنسانة، عشان كده أنقذني ولسه وشي واجعني من البلازما اللي عملوهالي، وبقى عندي صداع في دماغي وعمري ماهحط حاجة في وشي تاني لأن ده رعب.
دانا حمدان في صقر وكناريا
تشارك دانا حمدان في فيلم صقر وكناريا كضيفة شرف، حيث تجسد شخصية صديقة مقربة للنجمة يسرا اللوزي، التي تلعب دوراً محورياً ضمن الأحداث، ويدور الفيلم في إطار درامي مشوّق تتخلله لمسات كوميدية خفيفة، حيث يستعرض الصراع بين الخير والشر من خلال قصة صديقين يسلك كل منهما طريقاً مختلفاً في الحياة. ويستهدف الفيلم المزج بين التسلية والرسائل الاجتماعية في إطار سينمائي عصري وجذاب.
