الدهب رجع يركب الريح تاني واسعاره كل يوم بترفع عن اليوم اللي قبله.. ياتري اية سر التغير المفاجئ في أسعار الذهب في مصر.. وآية اللي خلي أسعار الذهب ترجع ترفع تاني.. وهل الأسعار هتفضل مكملة في الارتفاع كده علي طول ولا هيكون في انخفاض تاني في الأسعار.
بعد فترة طويلة من الاستقرار النسبي في أسعار الذهب في مصر، وفي وقت قصير جدا الأسعار رجعت ترتفع تاني وبسرعة كبيرة جدا وخلال أقل من 36 ساعة الأسعار ارتفعت باكثر من 200 جنية لجرام الذهب عيار 21 واللي هو الأكثر مبيعا وانتشارا في مصر خصوصا في القري والمحافظات.
طيب اية اللي حصل في أسعار الذهب خلها وصلت للأرقام دي ؟.
من بداية 2025 وفي توترات وتحولات اقتصادية وجيوسياسية كتيرة بتحصل في العالم عملت تحولات كاملة في البورصة الدولية، والاسعار في العالم كلها خصل لها ارتقاعات كبيرة، واحدة من الحاجات اللي حصل لها ارتفاع كبير هيا أسعار الذهب واللي من بداية السنة حصل لها ارتفاعات هي الاعلي علي مدار التاريخ، وسعر الاونصة وصلت لحوالي من 3600 دولار وه انعكس علي الأسعار المحلية في الدول .
الارتفاع العالمي في أسعار المعدن الأصفر كان سببه تحول عدد كبير من البنوك المركزية في العالم لتحويل أجزاء كبيرة من احتياطاتها النقدية الي سبائك ذهب، وده عمل طلب عالمي علي الذهب ومع زيادة الطلب الأسعار رفعت بشكل أكبر، ده غير أن عدم الاستقرار العالمي في أسعار الصرف خلي في اقبال اكبر من الدول علي شراء الذهب كاحتياطي أمن.
عندنا في مصر اسعار الذهب ارتفعت وبارقام كبيرة مدعومة بالارتفاع العالمي في الأسعار، خصوصا أن الأسعار في مصر مربوطة بالسعر العالمي واللي لما يرتفع السعر المحلي بيرتفع ولما تنخفض الأسعار بالضرورة بتنخفض، ده غير أن التغيرات اللي بتحصل في سعر الصرف والفائدة ودول كمان لهم تأثير كبير علي أسعار الذهب.
لازم نكون عارفين ان سعر الذهب مرتبط بسعر الدولار عالميا، فلما الدولار يعلى قدام الجنيه، الذهب بيعلى كمان في مصر، ومؤخرا البنك المركزي قلل سعر الفايدة، وده معاناة أن الفلوس اللي في البنوك بقت فوائدها أقل، وده خلي ناس كتير تحول استثماراتهم من الفلوس وتحطها في حاجة أمان وتزيد في القيمة واتجهوا للذهب، والطلب لما زاد فالسعر رفع، خصوصا أن أغلب الناس مش بتشتري الذهب علشان الزينة، لكنه تحول الي وعاء ادخاري مهم زي الدولار والعقارات بالعكس كمان الإقبال علي الاستثمار في الذهب ارتفع بنسبة كبيرة جدا، وده حاجة كفيلة تخلي أسعار الذهب ترتفع لارقام كبيرة .
في نقطة كمان خلت أسعار الذهب في مصر ترتفع لارقام كبيرة وهيا قلة الاستيراد،و الذهب اللي في السوق المصري مش كتير، والطلب أعلى من المعروض، ده غير أن الناس بقي عندها خوف من المستقبل وفي ناس كتير مش واثقة في الوضع الاقتصادي، خصوصا مع التنبؤات العالمية بتراجع سعر الصرف لأغلب العملات العالمية وده خلي أسعار الذهب توصل لارقام قياسية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
