مصر حاليا بتعد اكتشاف نفسها في التنقيب والبحث عن آبار البترول، وناوية تعوض اللي صرفته علي الاستيراد.. ياتري ده هيحصل ازاي... وآية هيا خطة مصر لزيادة اكتشافات الآبار الجديدة من البترول.
مصر حاليا شغالة بخطة جديدة مختلفة تماما عن كل السنين اللي فاتت والخطة دي قائمة علي تعظيم الإنتاج المحلي من كل القطاعات، واحدة من القطاعات المهمة جدا اللي الدولة مركزة عليها هيا الاكتشافات البترولية، خصوصا أن مصر عندها نقص كبير جدا في سد احتياجات السوق المصري وده اللي دفع الحكومة لفتح باب الاستيراد من الخارج.
علشان الدولة توصل لهدفها وتحول مصر لمركز إقليمي لتبادل الطاقة فلازم يكون عندنا علي الاقل اكتفاء محلي المواد البترولية المختلفة سواء كان بنزين أو سولار أو غاز طبيعي وده اللي بيحصل حاليا والحكومة بتحاول تعظيم الإنتاج المحلي عن طريق زيادة الاكتشافات البترولية والتنقيب عن آبار جديدة للبترول في كل المحافظات.
طيب إزاي الحكومة هتوصل لحلم تحويل مصر لمركز إقليمي لتبادل الطاقة؟.
مجلس الوزراء وافق على 5 اتفاقيات امتياز جديدة بقيمة استثمارية مش هتقل عن 225.3 مليون دولار، شملت حفر 40 بئر في مناطق عدة زي البحر المتوسط وصحراء مصر الغربية والصحاري الشرقية والمنطقة البحرية بشمال سيناء.
مش كده بس لا ده كمان الحكومة وقعت عدد من الاتفاقيات في مايو 2025 بقيمة221 مليون دولار باستثمارات موجهة للتنقيب والإنتاج في مناطق زي مغارة الصحراوية وخليج السويس وشمال دمياط، بالإضافة إلى منح غير مستردة بقيمة 31.5 مليون دولار، لتغطية تكاليف التنمية والتنقيب عن 24 بئر جديدة، وفي الفترة دي الدولة أعلنت عن ثلاثة اكتشافات جديدة في الصحراء الغربية وخليج السويس منهم بئر يقدر احتياطيه بحوالي 12.5 مليون برميل مكافئ.
مصر كمان وقعت اتفاقية جديدة مع شركة إيني الإيطالية وشركة تانية من أكبر الشركات البريطانية، لتنفيذ عمليات تنقيب عن النفط والغاز في البحر المتوسط، والاتفاق بيشمل حفر بئر استكشافي جديد في منطقة بحيرة التمساح بهدف تعزيز جهود مصر لتطوير قطاع الطاقة واستغلال موقعها الجغرافي لجذب استثمارات عالمية.
مع بداية فصل الصيف الحالي مصر بدأت خطة الربط مع قبرص من خلال شركة شيفرون لإنشاء خط أنابيب بيربط حقول الغاز القبرصي بمرافق معالجة في مصر، والمشروع هيشمل إنشاء منصة معالجة عائمة لنقل الغاز إلى مصر، وفعلا الحكومة وقعت مع قبرص اتفاقيتين لتعزيز التعاون الإقليمي في مجال الطاقة، الاتفاقية الأولى مع مجموعة بتهدف لنقل الغاز من من أحد أكبر الحقول القبرصية إلى مصر لمعالجته وتسييله وتصديره الي اوروبا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
