أكد الإعلامي عمرو أديب أن الرئيس الأمريكي دونالد ترامب لديه إصرار كبير على مخطط تهجير السكان الفلسطينيين من قطاع غزة.
وقال أديب خلال برنامج "الحكاية" المذاع على قناة "أم بي سي مصر": "حضراتكم بهدوء كده، بهدوء لازم تعرفوا إيه اللي بيتعمل لغزة، مش في غزة نفسها، لا.. في خطة لغزة الأمريكاني عنده خطة، هو مش همه كل كلامك، أنا بقول لك معلومة مش بقول لك حاجة توقع أو استنتاج هو مش همه كل كلامك، قول اللي إنت عايزه".
وأضاف: "الإسرائيلي عايز إيه؟ المصري عايز إيه؟ القطري عايز إيه؟ حد عايز أي حاجة قول زي ما إنت عايز الحاج أبو حنان عنده خطة، عنده بلان، وهيعملها وهيعملها غزة بالنسبة له لازم يعملها، هو مالوش دعوة إنت بتفكر في إيه ولا شايف إيه".
وتابع: "لذلك أنا ساعات كتير أشفق على الناس اللي قاعدة تنظّر للموضوع وكأنه في إيديهم شيء ماحدش بإيده حاجة، هو في دماغه حاجة، وهيعملها وهيعملها فمهم إن حضراتكم تعرفوا الراجل ده في دماغه إيه، وده اللي لازم ناخده في اعتبارنا".
وواصل: "بعدين السؤال اللي كان بيسأله الأستاذ هيكل دايمًا – الله يرحمه لماذا غزة؟ ولماذا الآن؟ إيه سر اهتمام أبو حنان بغزة؟ وإيه سر الخطة؟ ليه الإصرار على التهجير؟ هيروحوا فين؟ الله أعلم، لكن هو واصل لمرحلة إنه عايز يعمل صندوق بفلوس ويسفر الناس في أماكن تانية".
وأكمل: "الأماكن التانية دي فين؟ الله أعلم وده بيعتمد على عوامل كثيرة ومتشابكة في النهاية، السؤال المهم إيه هي خطة غزة؟ وإيه اللي بيتم التخطيط له هناك؟".
