"مكنش ينفع أبعد عنك".. توليت يوجه رسالة لحبيبته في حفله بالعلمين

أشعل المطرب المتخفي توليت حفله التي أُقيمت مساء أمس الجمعة في العلمين الجديدة، برفقة كايروكي، ووجه من خلالها رسالة لـ حبيبته معبرًا عن اشتياقه لها.

توليت يوجه رسالة لحبيبته في حفله بالعلمين ويغني وحشتيني

وقال توليت: كنت عايز أقول كلمة لحد غالي عليا جدًا، وهي حبيبتي وعايز اقولها أن مكانش ينفع ابعد عنها 5 شهور بحالهم "وحشتيني"، وقام بغناء أغنية "وحشتيني" وسط تفاعل كبير من الجمهور على أغنيته.

وصعد مطرب الراب تووليت ليحيي فقرته الأولى من الحفل وسط تصفيق حار من الجمهور، حيث قال :"مبسوط جدًا جدًا من شكل الجماهير عدد الحفل تخطى المتوقع".

أمير عيد ينتقد تباهي المشاهير بالمشاهدات 

في سياق آخر، انتقد أمير عيد تباهي النجوم والمشاهير بالمشاهدات في حفلاتهم وأغانيهم، موجهًا رسالة لهم ولجمهوره خلال حفله بالعلمين، وقال أمير عيد:" في حد بيقول إن حفلته هي الأكبر وهي الأضخم .. وبيقولوا إننا عملنا في ستاد القاهرة أكبر حفلة في تاريخ مصر .. لكن يعني علشان أكون صريح .. الحقيقة أنا مش بفهم ليه الناس مهووسة أوي بفكرة الأرقام الأكثر مشاهدة والأكثر متابعة .. واللي عنده أجمد عربية وأجمد ساعة .. اعتقد يعني ده لو دل على شيء فهو بيدل على الشخص اللي بيبقى فاضي من جوا بيحب يبقى من بره".

وأضاف: "عمومًا الحاجات الرخيصة هي أكتر حاجة بتتباع .. ولذلك يعني الأرقام أحياناً ممكن تبقى دليل على الرخص .. وافتكر إن أمي مرة قالتلي إنك عمرك ما تبقى شخص غني إلا لو كان عندك حاجة الفلوس مابتشتريهاش .. ودلوقتي السوشيال ميديا بتحسسنا إننا مش عايشين وبنشوف ناس عاملة نفسها مبسوطين وفرحانين .. ودي مش ناس حقيقية لكن أنتم ناس حقيقية".

وتابع: "ناس كتير وأنا في الطريق من القاهرة للحفلة طلعولي التذاكر بتاعت الحفلة وأنا في العربية وبيسلموا عليا .. وكلهم عندهم حماس شديد جدًا .. والموضوع عمره ما كان بالعدد .. الموضوع في الروح اللي هما بيدوهالنا .. وحتى لو كان الحضور النهارده نص العدد أو إن شاء الله كانوا 10 أشخاص كنت هبقى فخور وهعمل نفس الحفلة .. المهم مش كام المهم القيمة".