شيماء سعيد.. كشفت الميكب آرتيست شيماء سعيد زوجة الفنان إسماعيل الليثي، خلال الساعات القليلة الماضية، عن تفاصيل أزمتها مع زوجها الفنان إسماعيل الليثي، لافتة إلى أنها اضطرت للانفصال عنه بسبب حرمانها من أبسط حقوقها التي تتمتع بها أي امرأة مثل التنزه معه ومع أولادها، إضافة تعرضها للاعتداء من جانبه.
وأوضحت شيماء سعيد، خلال بث مباشر عبر منصة تيك توك، أنها انفصلت عن زوجها رسمياً، مؤكدة أنها اتخذت الإجراءات القانونية اللازمة بعد خلافات حادة وصلت - بحسب وصفها - إلى حد الاعتداء عليها وسرقة ممتلكاتها ومحاولة خطف بناتها.
وأشارت شيماء سعيد، إلى أنها عاشت سنوات طويلة محرومة من حقوقها الزوجية البسيطة، قائلة: «كنت بعيش سنين من غير ما أزور طبيب، ومحرومة من الخروج أو حتى الذهاب إلى المصيف مع زوجي وأولادي. أنا ست بـ100 ست وبكره الخيانة بكل أشكالها، لكن حقي ضاع».
وأضافت أنها قررت العودة إلى شقتها برفقة أولادها بعد الانفصال، مشددة: «أنا رجعت بيتي مع أولادي، ومحدش يقدر يطلعني منه. إحنا انفصلنا رسمي ولسه في قضايا جديدة هرفعها ضدّه».
وأكدت شيماء سعيد أنها لا تفكر في أي ارتباط جديد بعد الانفصال، مضيفة: «مش عايزة أي رجل في حياتي تاني، أنا كده مرتاحة مع أولادي، وربنا يقويني. واللي بيحاولوا يعملوا أعمال عشان نخسر بعض، حسبي الله ونعم الوكيل فيهم».
تفاصيل الأزمة بين شيماء سعيد وإسماعيل الليثي
وفي وقت سابق، تصدر اسم خبيرة التجميل شيماء سعيد، زوجة مطرب المهرجانات الشعبي إسماعيل الليثي ترند جوجل، وذلك بعدما ظهرت في بث مباشر عبر حسابها على «تيك توك»، وهي في حالة انهيار شديد، لتكشف عن تعرضها للضرب وسرقة ممتلكاتها عل يد زوجها.
وقالت شيماء خلال البث: «صحيت من النوم لقيته اختفى ومعاه بناتي، وسارق دهبي وفلوسي ومفتاح عربيتي.. أنا مستحملة من 10 سنين، وبيكلم بنات عليّا.. عايزة حد يلحقني».
وفي أول تعليق، نفى المطرب إسماعيل الليثي، اعتداءه على زوجته شيماء سعيد أو سرقتها، قائلا: «اللي حصل خناقة أسرية زي أي واحد بيتخانق مع مراته وبينزل من البيت».
وتابع الليثي: «صحيت من النوم، إحنا في العيد كل سنة وانتم طيبين، حصل مشكلة بسبب كلام بيني وبينها، زي أي حد مسك في مراته واتخانق مع مراته، وسيبتها ونزلت لا فيه ضرب ولا أي حاجة».
وأضاف إسماعيل الليثي: «مصر كلها عارفة مين أبو رضا وإني شبعان وإني دايما في زيادة ليها، مقدرش أقول حاجة عليها لأنها أم رضا، هي مراتي وأنا مخدتش حاجة وكل حاجة معاها ولو أخدت أي حاجة اتحاسب».
وتابع: « ياريت كل واحد يخليه في نفسه.. لا أنا وحش ولا عمركم سمعتم عني حاجة وحشة، ودي خناقة أسرية بين راجل ومراته محدش يتدخل بينا، آه هي نزلت الفيديو وانفعلت، بس عشان محدش يقعد يكتبلي ما هي اللي نزلت وقالت، بس أنتم عارفين إنها مراتي، كل واحد بيتخانق مع مراته».
وأضاف الليثي: «ربنا يهدي الحال ويهدي حالها ويديها الخير كله ويجعلها أحسن مني دايما، ومفيش بيني وبينها أي حاجة ومخدتش منها حاجة ولا باخد حاجة من حد ومحدش ليه عندي جنيه،
واختتم: «محدش يتدخل ويكتب أخبار كاذبة ويقول ضربها وسرقها وخد دهبها، أنت شفت، حد شافني، طول عمري في زيادة ليها، وربنا يجعلها دايما من المستورين، هي لسه مراتي وعلى ذمتي».
انفصال شيماء سعيد وإسماعيل الليثي بعد أزمتهما الأخيرة | فيديو
«محدش يتدخل».. إسماعيل الليثي يكشف حقيقة اعتدائه على شيماء سعيد
جسمي كله متكسر.. شيماء سعيد زوجة إسماعيل الليثي تتهمه بضربها وسرقتها
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
