خلاص حققنا المعادلة الصعبة ومصر وصلت لخط النهاية وحقق اكتفاء ذاتي من السكر .. ياتري ده حصل ازاي .. وآية هيا خطة الحكومة لتحقيق الاكتفاء الذاتي من كل السلع الغذائية.
طبعا كلنا فاكرين الأزمة الشهيرة اللي حصلت في مصر واللي كان بطلها هو السكر واللي كان عبارة عن سلعة نادرة الوجود، وسعرها ضرب في السماء وكان اللي يلاقي كيلو سكر كأنه لقي كنز ومحدش كان لاقي سكر تماما، والناس في الوقت ده حالها حالة من القلق بسبب ضعف الحكومة عن توفير حاجة بسيطة زي السكر .
الأزمة الشهيرة الي حصلت في مصر في سلعة السكر خلت الحكومة تضطر أنها تفتح باب الاستيراد من الخارج، لتوفير النقص اللي موجود في السوق المحلي، وده طبعا عمل تكلفة إضافية علي مصر في فاتورة مصر الاستيرادية، والناس كلها كانت مستغربة خصوصا أن مصر كانت من الدول اللي عندها اكتفاء ذاتي من السكر وكمان كان عندها فائض للتصدير، ده غير التوسعات الجديدة اللي عملتها الدولة في نسبة المساحات المخصصة للزراعة.
طيب إزاي الحكومة عملت اكتفاء ذاتي من السكر ؟.
ورا اي نجاح اكيد لي شغل كتير بيتعمل، واللي حصل في خطة تحقيق مصر الاكتفاء الذاتي من السكر، والدولة قررت زيادة د مساحات زراعة بنجر السكر بنسبة 25%، من 600 الف فدان في موسم 2023/2024 إلى 750 الف فدان في 2024/2025، وده ساهم في زيادة إنتاج محصول السكر الي 2.5 مليون طن من السكر، مقارنة بـ 1.5 مليون طن في السنة اللي فات.
مع دخول المساحات الجديدة من محصول السكر في الإنتاج المحلي من السكر وصل لـ 2.6 مليون طن في 2025، ماليا الدولة بتستهدف زيارته لـ 2.9 مليون طن في 2026، وحاليا وصلت معدلات الاكتفاء الذاتي من السكر لأكثر من 85% وفي 2026 مصر هتعلن بشكل رسمي عن وقف استيراد السكر من الخارج، والمخزون من السكر المدعوم بيكفي حاليا لمدة 13 شهر .
المساحات الجديدة من بنجر السكر كان قصادها شغل تاني من الحكومة للتوسع في مصانع معالجة البنجر زي مصنع القناة السكر وده أكبر مصنع أحادي الخط بالعالم بطاقة حالية بتوصل لـ 350 الف طن، ومتوقع زيادتها إلى 750 الف طن في 2026، ده غير مصنع الشرقية بطاقة 240 الف طن، ومصنع دلتا بعد عمليات التحديث والتطوير اللي قامت بيها الحكومة هناك وحاليا طاقته الإنتاجية وصلت ل 21 الف طن في اليوم.
علشان الدولة توصل لهدفها وتحقق اكتفاء ذاتي من سلعة السكر فالدولة قدمت دعم حكومي كبير من خلال تخصيص 16 مليار جنيه لشراء القصب و7 مليار جنيه للعمليات الصناعية في 2025، وحددت سعر مرجعي للقصب بـ 2500 جنيه للطن، وبنجر السكر بسعر 2400 جنيه للطن، ده غير الحوافز الإضافية اللي بتقدمها الدولة للمزارعين لتشجيعهم علي زراعة بنجر وقصب السكر.
طيب اية هيا السلع اللي مصر بتستهدف تحقيق الاكتفاء الذاتي منها ؟.
في عدد كبير من السلع الحكومة قدرت أنها تحقق الاكتفاء الذاتي خصوصا في الخضروات والفاكهة زي البطاطس والطماطم والبصل والفاصوليا الخضراء والحمضيات والبيض والدواجن والألبان، وفي 5 سلع استراتيجية الدولة عندها خطط أنها تحقق المعادلة الصعبة وتحقق الاكتفاء الذاتي منهم وهنا القمح والذرة والفول واللحوم الحمراء والأسماك خصوصا انها سلع عليا طلب كبير جدا في السوق المصري ومفبش مواطن يقدر يستغني عن سلعة فيهم.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
