علقت الإعلامية بسمة وهبة، على أنباء عودة الفنانة شيرين عبد الوهاب، وحسام حبيب، التي انتشرت خلال الساعات الماضية وأثارت جدلا واسع بين الجمهور، ووسائل التواصل الاجتماعي.
تعليق بسمة وهبة على عودة شيرين عبد الوهاب وحسام حبيب
وقالت الإعلامية بسمة وهبة، على عودة شيرين عبد الوهاب وحسام حبيب، وفقا لما رصده موقع تحيا مصر، عبر استوري صفحتها الرسمية على موقع التواصل الاجتماعي إنستجرام: شيرين لما كانت مع حسام كانوا بيتخانقوا، بس مكنش عندها اكتئاب ولا حزينة كانوا بيتخانقوا زي اي اتنين، وارد ان في ناس بتحب بعض بس مبتعرفش تعيش مع بعض، وفي مش بيحبوا بعض بس بيعرفوا يعيشوا مع بعض.
وتابعت بسمة وهبة: حسام وشيرين، بيحبوا بعض دي كل الحكاية، فبلاش ياجماعة اسلوب الجلد ده لـ شيرين، شيرين قيمة وقامة مينفعش نعمل معها كده، هي حرة في اختيارها احنا مالنا، اتجوزت مين ولا سابت مين، وبعدين ايش عرفكوا مين اللي كان حواليها، وممكن حسام هو اللي ينقذها من الخطر اللي حواليها، وحسام قادرة بحبه ليها انه يرجعلنا شيرين بتاعت زمان".
واستكملت بسمة: انا عمري ما شوفت محامين بيدخلوا في شؤون الموكلين بتعهم وحياتهم الخاصة، ولا عمرنا سمعناها ولا عمرها حصلت.
أول تعليق من شيرين بعد انباء عودتها لـ حسام حبيب
وكانت الفنانة شيرين عبد الوهاب، قد خرجت عن صمتها وعلقت عن المحامي ياسر قنطوش، وذلك بعدما أعلن منذ ساعات عن عودتها من جديد لـ حسام حبيب.
وقالت شيرين عبد الوهاب، خلال تسجيل صوتي لها مع et بالعربي، ناهية علاقتها القانونية مع المحامي ياسر قنطوش: يااستاذ ياسر، انت مش المحامي بتاعي وهنزل بيان بده، ولو اتكلمت عني اي كلمة حلوة او وحشه او هزار او نكته هتتحسب عليك، تعمل متعملش مؤتمر صحفي وتطلع تتكلن عن شيرين عبد الوهاب اي كلمة هتتحسب عليك.
وكان المحامي ياسر قنطوش، قد أعلن منذ ساعات قليلة عن عودة الفنانة شيرين عبد الوهاب، وحسام حبيب، حسبما ذكر في بيان صحفي، وذلك بعد الازمة الكبيرة التي حدث بينهم خلال الفترة الماضية.
وكشف حسام حبيب، عن حقيقة عودة لـ شيرين عبد الوهاب، لعدما اعلن المحامي ياسر قنطوش في بيان صحفي، واشار الى ان تلك الاقاويل ماهي الا شائعات، وسوف يقاضي عليها المحامي.
