كتبت المطربة ريهام عبدالحكيم رسالة مؤثرة للمطربة أنغام، عبر حسابها الرسمي بموقع "فيس بوك"، بعد تعرض الأخيرة لأزمة صحية خلال الفترة القليلة الماضية.
وقالت ريهام عبدالحكيم: "فيها حاجة حلوة.. ومن أجمل الحاجات دي إن في بلدنا صوت زي صوتك يا أنغام، صوتك مش مجرد غنا، صوتك حاجة معجزة زي ما انتي قولتي في أغنيتك، بيدخل قلوبنا ويطبّب جراحنا قبل ما نحس بيه، النهاردة كلنا بندعيلك من قلبنا إنك ترجعي لنا سلامة قلبك وبخير، وترجعي تغني وتقوليلنا اتجاه واحد هو طريق الفرح اللي صوتك بيرسمه لينا".
واختتمت ريهام عبدالحكيم منشورها قائلة: "إنتي مش بس مطربة عظيمة، إنتي صديقة وأخت وحبيبة لينا كلنا.. وجمهورك اللي بيعشقك مستني يشوفك بين البينين والضحكة راجعة تنور وشك وتملأ الدنيا أمل، ربنا يشفيكي ويقومك بالسلامة، ونشوفك قريب منوّرة المسرح، ترجعيلنا بتحب مين، وسيدي وصالك وأكتبلك تعهد، بصوتك اللي مفيش زيه".
محمود سعد يطمئن جمهور أنغام على حالتها الصحية
طمأن الإعلامي محمود سعد، جمهور النجمة أنغام على حالتها الصحية، وذلك بعد إجراء عمليتين جراحيتين بألمانيا، ونشر عبر حسابه الشخصي على موقع التواصل الاجتماعي "فيس بوك"، صورة للفنانة أنغام معلقا: "عايز أطمنكم على أنغام لأن في أخبار كتير بتتنشر مش صحيحة".
وتابع، "لسة تداعيات الجراحة مسببة لها ألم والأعراض الجانبية للعملية تستدعي بقائها في المستشفى أيام أخرى لغاية ما يسيطروا عليها، أنا باطمنكم عليها أول بأول علشان تبقوا عارفين الأخبار الدقيقة بعيدا عن الشائعات وعلشان طبعا وده الأهم تدعولها".
