الذهب رجع يحقق خسائر تاريخيه، وحاليا الاسعار متراجعة بشكل كبير، وفي تخوف كبير جدا من المستثمرين من استمرار التراجع.. ياتري ايه سر تراجع اسعار الدهب في مصر.. وهل ممكن نشوف اسعار الدهب ترجع لاسعار زمان.
من بداية 2025 والذهب واخد الشو كله من باقي الأوعية الأدخارية سواء كانت شهادات ادخارية أو عقارات خصوصا أن الدهب مع بداية السنة حقق مكاسب تاريخية وسعر الأونصة سجلت 3500 دولار كاعلي رقم سجلته علي مدار التاريخ، والسر في المكاسب دي كانت الرسوم الجمركية الامريكية اللي فرضتها الإدارة الأمريكية واللي اجبرت أغلب البنوك المركزية حوالين العالم أنها تحول جزء كبير من احتياطاتها النقدية إلي دهب بسبب التذبذب في اسعار صرف العملات.
طيب اية اسباب انهيار اسعار الدهب في مصر؟.
في البداية لازم نعرف أن اسعار الذهب في مصر بتتاثر بشكل مباشر بالسعر العالمي للمعدن الأصفر واللي لما بيسجل زيادات الأسعار عندنا في مصر بترتفع ولو حصل عكس كده الأسعار عندنا في مصر بتنخفض، وحاليا السعر العالمي للمعدن الأصفر محقق خساير كبيرة جدا وده بسبب التوقعات الموجودة واللي بتاكد أن البنك الفيدرالي الأمريكي هياخذ قرار بخفض أسعار الفائدة بمقدار ربع نقطة مئوية في اجتماعه اللي هيكون في شهر سبتمبر اللي جاي، وحاليا الاسواق بدأت تسعر اسعارها علي الاسعار المتوقعة لأسعار الفايدة، ولو حصل عكس التوقعات دي فالاسعار هتكون مرشحة من جديدة للزيادة.
لازم نعرف كمان أن العالم كله مترقب حاليا لنتائج المحادثات اللي موجودة بين روسيا وواشنطن بخصوص الحرب في أوكرانيا، وحاليا في ترقب عالمي لصدور قرار روسي أوكراني بوقف الحرب والعودة لطاولة المفاوضات، وعلشان كده في هدوء حذر في البورصة العالمية، وفي حالة نجاح المفاوضات بالأمور هتكمل في التراجع ولو حصل عكس كده فالاسعار هتكون مرشحة من جديد للزيادة.
اما بقي الناس اللي بتسال عن سعر انخفاض اسعار الدهب في مصر، فزي ما قولت لحضراكم أن أسعار الدهب عندنا في مصر مرتبطة بالسعر العالمي، واللي حصل منخفض جدا، ده غير الاستقرار الكبير في سعر الصرف في مصر والتحسن الملحوظ اللي حصل في سعر صرف الجنية المصري واللي كان سبب رئيسي في تحسن الأسعار في مصر واللي خلي المستثمرين يدوروا علي وسائل وأوعية ادخارية جديدة في مصر غير الدهب.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
