سوق العقارات في مصر واحد من أهم الأدوات اللي الدولة بتعتمد عليها في تحقيق دخل دولاري لمصر من الخارج .. ياتري ازاي الدولة بتبص علي قطاع العقارات.. وآية اهداف الدوله منه.. وآية هيا خطة الحكومة للقضاء علي الفقاعة العقارية في السوق المصري.
مع بداية الفترة الرئاسية الجديدة للرئيس عبدالفتاح السيسي وفي توجيهات عليا صدرت للحكومة بتعظيم زيادة الإيرادات الدولارية من كل القطاعات اللي موجودة في البلد، واحد من القطاعات المهمة اللي بيتم الاعتماد عليها هو قطاع الإسكان والعقارات في مصر واللي حقق خلال الفترة اللي فاتت نتائج مبهرة بدخول أكثر من 10 مليون دولار نتيجة للمبادرات والطروحات اللي قامت بيها الدولة.
من فترة مش طويلة وتحديدا من وقت إتخاذ الحكومة قرار بتحرير سعر الصرف في مصر، وسوق العقارات في مصر بيعاني من أزمة كبيرة جدا من حاجة اسمها الفقاعة العقارية ودي معناها بالبلدي كده أنه الشقق السكنية والعقارات اللي موجودة في السوق سعرها اعلي بكتير من سعرها الحقيقي ده بسبب الإقبال الرهيب اللي حصل في سوق العقارات في مصر خلال الكام سنة اللي فاتوا، خصوصا أن العقارات حاليا بتعد من أهم الأوعية الادخارية وفي ناس كتير اشترت عقارات وركنوها كام سنة ورجعوا باعها بأرقام كبيرة جدا وحققوا مكاسب مالية كويسة قوي.
الإقبال الكبيرة اللي حصل علي سوق العقارات وأغلب الناس اللي اشترت شقق سكنيه وعقارات وأراضي بهدف أهامة بيعها في المستقبل عمل حاجة من التعطيش في السوق المصري ولما الناس بدأت تبيع حصل حالة من الركود في الاسواق خصوصا أن المعروض للبيع سعره مرتفع جدا وده بسبب أنه أصحابه عايز يعمل اعلي مكسب ممكن والاسعار اللي معروض بيها الشقق السكنية والعقارات اعلي بكتير من سعرها الحقيقي وأصبح أقل شقة حاليا في أي منطقة شعبية سعرها يتعدي المليون جنية، وطبعا نسبة قليلة من الشعب المصري اللي معاها الارقام دي.
لازم تكون عارفين ان سوق العقارات في مصر عليه طلب كبير جدا من المواطنين العاديين ده غير المطالب اللي موجودة من الزائرين اللي عايزين يقعدوا في مصر، وعلشان الحكومة تحل الأزمة دي اشتغلت علي جزئين أولهم طرح مبادرات خاصةً للمصريين العاملين بالخارج والأجانب وده عمليات بيع بتكون بالدولار والهدف منها تعظيم إيرادات الدولة المصرية من قطاع الإسكان والعقارات، والدولة علي مدار الكام شهر اللي فاتوا طرحت أكثر من حاجة زي مبادرات تصدير العقارات ومبادرات بيتك في مصر ومبادرات مزرعتك في مصر وكل ده بيكون البيع فيه بالدولار.
ثاني باب الحكومة اشتغلت عليه علشان نوسع الباب قدام قطاع الإسكان هو زيادة المعروض من الشقق السكنيه سواء كانت اسكان فاخر زي شقق جنة وسكن ودار مصر، ودي الدولة عملت منها أكثر من طرح وكان فيه اقبال غير عادي عليها من المواطنين، وزي ما الدولة طرحت شقق فاخرة طرحت كمان شقق لمحدودي ومتوسطي الدخل ودول مان عليهم اقبال كبير جدا في طرح سكن لكل المصريين 5 واللي تضمن طرح اكثر من 79 الف وحدة سكنية وبعدها جه طرح سكن لكل المصريين 7 اللي بيتضمن طرح اكثر من 113 الف وحدة سكنية بهدف حل أزمة الإسكان في مصر وتوفير وحدات سكنيه تناسب كل الاذواق وفئات الدخل، ودول كان لهم عوامل كبيرة في انخفاض أسعار العقارات في مصر خصوصا أن توجيهات الناس راحت لشقق الدولة بعيدا عن الأسعار غير العادية الموجودة في السوق واللي مش بتتناسب مع المعروض.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
