سمعنا كتير أن الفقاعة العقارية اللي موجودة في السوق المصري، ياتري اية هيا الفقاعة دي وآية تأثيرها علي سوق العقارات في مصر.. وهل لها تأثير سلبي علي الاقتصاد المصري.
لو متابع التليفزيون أو وسائل التواصل الاجتماعي أو حتي وسائل الإعلام المرئية أو المسموعة اكيد سمعت يوم مصطلح الفقاعة العقارية لكن أغلبها ميعرفوش يعني اية فقاعة عقارية وآية تأثيرها علي سوق العقارات في مصر وهل لها تأثير سلبي علي الاقتصاد المصري.
في البداية علشان نعرف الأزمة لازم نعرف أن مصطلح الفقاعة العقارية ودي ببساطة بتحصل لما أسعار العقارات ترتفع بسرعة وبشكل غير مبرر، وده بيكون مدفوع بتوقعات الناس إن الأسعار هتفضل تطلع، مش بالقيمة الحقيقية للعقار، يعني الناس بتشتري مش علشان يسكنوا، لكن علشان يبيعوا بعد كده بسعر أعلى، بس لما الأسعار توصل لمستوى ماحدش يقدر يشتري فيه، الطلب بينهار، وساعتها الأسعار بتنهار برضه وهنا بتحصل الأزمة.
عندنا في مصر في أكثر من ظواهر بتثبت أن سوق العقارات في مصر بيعاني من فقاعة ده بسبب الارتفاع الجنوني في الأسعار، وفي الفترة من 2016 لحد 2025، الأسعار زادت بأكتر من 300% في بعض المناطق واللي كان بـ 500 ألف بقى بـ 2 مليون، والمطورين العقاريين بيبيعوا أكتر من اللي بيبنوه وفي عدد كبير من الشركات بتبيع على المخطط قبل ما تبني وبأقساط طويلة وبتستخدم المقدمات عشان تموّل مشروعات تانية وده اللي بيسموه تمويل سلسلة وده خطر لو الطلب وقف فجأة، وكل ده بسبب الطلب الكبير واللي مش دايمًا علشان الناس عايزة تسكن، لكن علشان الناس خايفة على قيمة فلوسها بسبب التضخم وانخفاض الجنيه.
في حاجة كمان بتثبيت أن سوق العقارات في مصر بيعاني من فقاعة عقارية وهيا الزيادات الكبيرة في الديون على المطورين العقاريين خصوصا أن سوق العقارات بقي في شركات كتيرة مديونة للبنوك أو للأفراد، وده اللي بيخاي عدد كبير من الشركات تتجه للبيع بالتقسيط لمدد كبير بتوصل ل 10و 15 سنة بدون فائدة، وده بياكد أن المطور عايز يبيع بأي شكل.
طيب إزاي الدولة تدخلت لحل الأزمة دي قبل الإنفجار ؟.
في الفترة الأخيرة الدولة بدأت تتدخل وبذكاء علشان تعيد التوازن في السوق، وفي الفترة الأخيرة طرحت أكثر من مشروع سكني زي الاسكان الفاخر في شقق جنة وسكن ودار مصر دي غير مشروع الإسكان المتوسط والإسكان الاجتماعي ، والمشروعات دي بهدف تقديم انواع وحلول وشقق سكنية متنوعة تناسب كل الرغبات وكل الفئات دي غير الأراضي اللي كل يوم الدولة بتعلن عنها طرحها قدام المواطنين.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
