لو نفسك في شقة تمليك بس مرتبك علي قده ومش قادر علي الأسعار الكبيرة اللي موجودة في السوق يبقي التقرير ده ليك.. شوف ازاي تأخذ شقة تمليك وبأقل قيم واطول فترة سداد علي 20 سنة وبأقل مقدم.
في نسبة كبيرة من الشعب المصري عايشين في شقق ايجار جديد وفي نسبة أكبر نفسها يكون عندها شقة تمليك أو حتي اوضة لكن العين بصيرة والايد قصيرة، واللي جاي علي قد اللي رايح ويادوب مرتبه بيكفي مصاريف الشهر ده لو كفي خصوصا أن كل الناس بقي عليها أعباء اقتصادية كبيرة جدا ومحدش بقي مكفي.
الزيادات الكبيرة اللي حصلت في أسعار السلع والخدمات خلت الناس مكفية علي وشها وكله الهم الأكبر له أن يكفي احتياجات بيته، وده خلي واحد من الاحلام الأساسية أن المواطن يكون عنده اربع حيطان يحموه من الايجارات العالية ويسدوا عنه خانة ورقم كبير لازم يوفره كل شهر علشان الإيجار حاجة من أصعب ما يكون خصوصا أن المرتبات في مصر مش بتكفي المصاريف.
" title="لو مرتبك أقل من 4000 جنية شوف ازاي تأخذ شقة سكنية بأقل قسط واطول فترة سداد" frameborder="0">
في عز الكلام ده اكيد بيكون حلم الحصول علي شقة سكنية واحد من أصعب الاحلام خصوصا أن سوق العقارات في مصر بيشهد ارتفاعات غير مسبوقة في الأسعار ده غير الفقاعة العقارية اللي موجودة دلوقتي واللي خلت الأسعار في مصر تضاعفت مرات المرات والاسعار اللي معروضة بيها العقارات حاليا في مصر أعلي بكتير من سعرها الحقيقي.
طيب اية الحل لو اني نفسي في شقة تمليك بس الحال مش قد كده والظروف علي قدها ؟.
في الوقت الحالي وزارة الإسكان والمرافق والمجتمعات العمرانية فاتحة باب التقدم علي حجز شقق الاسكان الاجتماعي منخفض ومتوسط الدخل بمقدمات حجز بتوصل ل 25 الف جنية للشقق التسليم الفوري و 50 الف جنيه لشقق التسليم بعد 36 شهر في المدن الجديدة ، وحطت شروط بسيطة جدا لاي حد عايز يقدم في الطرح الجديد من شقق الاسكان الاجتماعي، أهم شرط فيهم هو الراتب الشهري واللي الدولة اشترطت انه ميكونش أقل من 3500 للفرد والأسرة وده رقم كويس جدا لاغلبنا لو عايزين نقدم في الطرح الجيد .
في بعض الأوراق اللي الوزارة اشترطت علي المتقدمين لازم يرفعوا علي الموقع الالكتروني لبوابة مصر الرقمية واللي بيتم من خلالها حجز شقق الاسكان الاجتماعي وهيا تقديم قيض عائلي وشهادات ميلاد للولاد بالنسبة للأسر، وبطاقة رقم قومي سارية، وعقد ايجار وحدة سكنية ووصل مرافق سواء كان كهرباء أو مياة أو غاز طبيعي وإيصال جدية الحجز ابو 50 أو 25 الف وترفعهم علي موقع بوابة مصر الرقمية في ملف مساحته لا تتعدي 2 ميجابايت وينتظر نتيجة الفرز.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
