مصر هتكون وجه مفضلة للاستثمارات والمرة دي في استثمارات كبيرة جدا دخلت مصر في مجال مهم جدا وعليه طلب عالمي.. ياترى اية هي الاستثمارات الجديدة اللي دخلت السوق المصري .. وآية المجالات المستهدفة ليها .. وآية فائدتها للاقتصاد الوطني.
مصر بتعد من أكبر الدول اللي بتصدر ملابس جاهزة للسوق الامريكي وأغلب صادرتنا الي المدن الأمريكية عبارة عن ملابس جاهزة، والطلب الكبير علي الملابس الجاهزة المصرية فتح لمصر أسواق تانية كتيرة في دول مختلفة، ومصر بالعربي كده بقت براند مهم جدا في مجالات تصنيع الملابس الجاهزة لأكثر من سبب أهمهم القطن المصري طويل التيلة، والتميز المصري لي الصناعة ده غير أن أسعار مناسبة جدا للناس هناك.
السيطرة المصرية علي مجال مهم في دولة كبيرة زي الولايات المتحدة الأمريكية خلي المستثمرين في كل دول العالم خصوصا اللي شغالين في مجالات الملابس الجاهزه عندهم رغبة لطفي الدخول للسوق المصري لأكثر من سبب أولهم بسبب حب المواطنين الأمريكيين للملابس المصرية بسبب خامتها الكويسة وتصميمها الفريد ط، ده غير أن سعرها مناسب .
الفترة اللي فاتت مصر استقبلت عدد كبير من الاستثمارات التركية في مجالات تصنيع الملابس الجاهزه والسبب الرئيسي في ده هو الرسوم الجمركية الأمريكية اللي أقرتها الأدارة الأمريكية واللي هتكون منخفضة جدا علي مصر مقارنة بباقي دول العالم وهتوصل لنسبة 10%، ومع دخول الاستثمارات الجديدة هتكون تركيا هيا المستثمر الأكبر في مجال الصناعات النسيجية والملابس الجاهزة في مصر، وحاليا وصل حجم واستثمارات الاتراك في السوق المصري لأكثر من 2 مليار دولار، وحاليا في أكثر من 300 شركة تركية شغالة في المنسوجات في مصر منهم علامات تجارية معروفة ومصانع إنتاج بتوفر منتجات عالية الجودة للأسواق المحلية والدولية.
طيب اية اللي خلي اكبر المستثمرين الاتراك عندهم رغبة في الدخول للسوق المصري ؟.
الحقيقة في أكثر من سبب لدخول الاستثمارات التركية للسوق المصري أهمهم انخفاض تكلفة الإنتاج مقارنة بالأسواق الأوروبية، واتفاقيات التجارة الحرة التي تربط مصر مع عدد كبير من الأسواق العالمية، وده بيسهل تصدير المنتجات، وجودة الأيدي العاملة في السوق المصري ده غير توافر المواد الخام، واخيرا الموقع الجغرافي الاستراتيجي لمصر كبوابة لأفريقيا والشرق الأوسط.
الاستثمارات التركية اللي دخلت مصر وغيرها من الاستثمارات اللي موجودة في قطاع المنسوجات رفع حجم الصادرات المصرية من الملابس الجاهزة، لأكثر من 2.6 مليار دولار في 2024، وكل التوقعات بتأكد أن الوقت اللي جاي الاستثمارات الأجنبية خصوصا التركية هتزيد جدا في السوق المصري وده هيرفع إجمالي الصادرات المصرية من قطاع مهم زي الصناعات النسيجية .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
