لو معاك بطاقة تموين وعايز تضيف أولادك عليها في 2025، وزارة التموين فتحت الباب لإضافة المواليد من تاني، وده هيساعدك تزود عدد الأفراد على البطاقة وتاخد دعم أكتر للعيش والسلع، بس يا ترى إلى الخطوات عشان تعمل ده؟.. وإيه الأوراق المطلوبة والشروط؟
الحكومة شغالة في كل الاتجاهات عشات عشان تأمن حياة كريمة للمصريين، واللي من ضمنها كل فترة، لازم تفتح الباب قدام إضافة المواليد على بطاقات التموين لعام 2025.
طيب إيه الشروط المطلوبة؟
لازم عشان تضيف أولادك على بطاقة التموين، تكون بطاقتك سارية ومفيهاش أخطاء، وكمان عدد الأفراد في البطاقة مايكونش وصل للحد الأقصى واللي هما 4 أفراد في أغلب الحالات لكن بيكون فيه استثناءات.
لازم تاخد بالك كمان، أن المواليد اللي ينفع يتسجلوا يكونوا من سنة 2006 لحد 2020 تقريبًا يعني اللي عمرهم من 5 لـ 19 سنة، عشان متسجلش على الفاضي وتتعب نفسك، والأهم من كده أن الأب والأم لازم يكونوا من الفئات المستحقة للدعم، يعني مبياخدوش دخل كبير أو تأمينات عالية.
طيب إيه هي الأوراق المطلوبة؟
الأوراق المطلوبة عشان تضيف أولادك لبطاقة التموين، أنك لازم يكون معاك صورة بطاقة الرقم القومي لصاحب البطاقة، وصورة شهادة ميلاد كمبيوتر للطفل اللي هيتضاف، وصورة بطاقة الأم "بس ده لو مش هي صاحبة البطاقة"، ده غير أنه لازم يكون معاك إيصال كهربا حديث، وصورة البطاقة التموينية نفسها أو رقمها.
طيب نضيف إزاي؟
بتدخل على موقع "دعم مصر" أو "بوابة مصر الرقمية وتسجّل دخول بحسابك أو تفتح حساب جديد، كأنك بتعمل إيميل عادي على أي موقع، وبتختار "إضافة أفراد أسرتي"، وبتكتب بيانات الطفل أو الأطفال اللي عايز تضيفهم، وبعدين ترفق صور الأوراق المطلوبة.
بس لازم تاخد بالك من حاجة، إنك لازم تراجع البيانات كويس جدا قبل ما تضغط على إرسال الطلب، وبعدها هتفضل تتابع الطلب من نفس الموقع، وتشوف اتقبل ولا لسه.
طب هتقولي لو مش عارف ابعتها عن طريق الموقع، طبعا فيه حل تاني، إنك تروح مكتب التموين التابع ليك وتقدم الورق يدوي، بس يفضل أنك تروح الصبح بدري عشان الزحمة، وتاخد معاك كل المستندات علشان ميطلبوش تروح تاني.
بس ناس كتير بتسأل امتى نقدر نضيف المواليد؟
وزارة التموين لحد دلوقتي محددتش ميعاد رسمي واضح لإضافة المواليد، لكن وزير التموين قال إن سنة 2025 هتكون سنة مهمة جدًا، لأنها هتشهد دخول كل اللي ليهم حق في الدعم التمويني، وفي نفس الوقت هيتم استبعاد أي حد مش مستحق.
الوزير قال كمان أن الإضافة دي جزء من خطة الدولة إنها توصل الدعم للناس اللي فعلاً محتاجاه، وتحقق عدالة اجتماعية بين كل المواطنين، كمان الهدف منها تحديث قواعد البيانات ومواكبة أي تغييرات بتحصل في الأسرة، زي الجواز أو المواليد أو حتى الوفاة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
